हलेसीमा घरमै पार्किङ गरिराखेको स्कुटी चोरी

कार्तिक २४, सोलुखुम्बु । खोटाङको हलेसी तुवाचुङ नगरपालिकाबाट स्कुटर चोरी भएको छ । मध्यपहाडी लोकमार्ग अन्तर्गत पर्ने नगरपालिकाको वडा नम्बर ५ स्थित एक घरमा पार्किङ गरिराखेको स्कुटर घरबाटै चोरी भएको हो । हलेसी तुवाचुङ नगरपालिका वडा नम्बर ५ बुद्ध चोकमा पार्किङ गरिराखेको सुवास राईको स्कुटी चोरी भएको जनाइएको छ ।

गत २१ गते राती बा ९७ प ६६६ नम्बरको रातो र कालो रङ्गको होण्डा कम्पनीको डिओ स्कुटी घरबाटै चोरी भएको स्कुटीका धनी राईले बताउनुभयो । स्कुटर चोरी भएपछि खोजीका लागी प्रहरीमा उजुरी गरिएको भएपनि हाल सम्म कुनै जानकारी नआएको उहाँको भनाई छ । २१ गते राती १२ बजे सम्म घरमै रहेको स्कुटी २२ गते बिहान ५ बजे उठेर हेर्दा नभेटाएपछि खोजी कार्य सुरु गरिएको थियो । मोटरसाइकल चोरीका घटनाले अन्य मोटसाइकल धनीहरूलाई पनि तनाव थपिएको छ ।