दुबेकोलमा २ वटा घर जलेर नष्ट, आगलागीको कारण खुल्न बाँकी 

कार्तिक २४, सोलुखुम्बु ।  खोटाङको रावाबेसी गाउँपालिका वडा नम्बर ५ दुबेकोलमा आगलागीबाट २ घर जलेर नष्ट भएका छन् । गाउँपालिकाको वडा नम्बर ५ दुबेकोलका वीरबहादुर गुरुङका २ वटा घर जलेर नष्ट भएको जनाइएको छ ।

दिउँसो २ बजेतिर सुरु भएको आगलागीले  गुरुङको ३ वटा घर मध्ये २ वटा घर जलेर नष्ट भएको जनाइएको छ । वीरबहादुर र उनकी श्रीमती विमला गुरुङको रेखदेखमा रहेका उनीहरूका छोराहरूको घरमा आगलागी भएको दुबेकोलका वडा अध्यक्ष मोहन गुरुङले बताउनुभयो ।  उहाँका अनुसार खरको छानो भएका २ तले २ वटा घर जलेर नष्ट भएका छन् ।  यद्यपि मूल घरमा टिनको छानो भएकाले बच्न सफल भएको छ ।  

मानव बसोबास नभएकाले जनको क्षति भएन भने आगलागीका कारणले घरमा जल्दा गुरुङ परिवारलाई लाखौँको क्षति भएको छ  ।  आगलागी के कारणले भएको हो त्यसको अनुसन्धानका लागी प्रहरी परिचालन भएको जनाइएको छ ।  स्थानीय र प्रहरीको सहयोगमा आगलागी नियन्त्रणमा लिइएको अध्यक्ष गुरुङले बताउनुभयो ।