सोलुकाे सोताङमा नेताहरुको एउटै स्वर : “काँग्रेस सच्चिन्छ”

बैशाख २९, साेलुखुम्बु । नेपाली काँग्रेस सोलुखुम्बुका अगुवा नेताहरुले काँग्रेस सच्चिएर जानु पर्नेमा जोड दिएका छन् । सोताङ गाउँपालिकाको कार्यसमितिले आयोजना गरेको अन्तरक्रियात्मक कार्यक्रममा काँग्रेस केन्द्रिय सदस्य बलबहादुर केसीले काँग्रेस सच्चिएर अगाडी बढ्नु पर्ने बताउनु भएको छ । पालिका सभापति कृष्ण कार्कीको सभापतित्वमा सम्पन्न भएको कार्यक्रममा केन्द्रिय सदस्य आङगेलु शेर्पाले लोकतन्त्रको सुदृढिकरण गर्न काँग्रेसको विकल्प नरहेको बताउनु भएको छ । काँग्रेस नेता प्रकाससिंह कार्कीले संगठनलाई सुदृढिकरण गर्नु पर्ने बताउनु भयो । कार्यक्रममा निवर्तमान जिल्ला सभापति विनोद बस्नेत, क्षेत्रीय सभापति धनजन राई, सोताङ पालिका अध्यक्ष खिलराज बस्नेत, महाधिबेशन प्रतिनिधि नविन थापा लगायतले संबोधन गर्नु भएको थियो ।