विश्वकै सर्वोच्च शिखरको २९ औँ पटक सफल आरोहण ,आफ्नै रेकर्ड तोड्दै कामीरिता

३0 वैशाख, सोलुुखुम्बु ।यस अघिको आफ्नै रेकर्ड ब्रेक गर्दै आरोही कामिरिता शेर्पाले विश्वको सर्वोच्च शिखर सगरमाथा २९ औँ पटक सफल आरोहण गरेका छन् ।
अघिल्लो बर्ष जेठ ९ गते २८ औँ पटक सगरमाथाको चुचुरोमा पुगेका कामिरिताले आज आईतबार विहान ७ बजेर २५ मिनेटमा सगरमाथाको २९ औँ पटक सफल आरोहण गरेको सगरमाथा आधार शिविरबाट फोर्टिन पिक्स एक्सपिडिसनका टासि लाक्पा शेर्पाले जानकारी दिए । विश्वको अग्लो चुचुरो बारम्बार चढ्ने किर्तिमान बनाएका सोलुखुम्बुको थामेका शेर्पाले यो सिजनको शुरुमै फोर्टिन पिक्स एक्सपिडिसन मार्फत सफल आरोहण गरेर आफ्नै किर्तिमान तोडेका हुन् । सन् १९७० जनवरी २ मा खुम्बुपासाङल्हमु गाउँपालिका ५ को थामेमा जन्मिएका शेर्पाले सन् १९९२ मा आरोहण सहयोगीका रुपमा सगरमाथा आरोहण शुरु गरेका हुन् । उनको नाममा विश्वका ८ हजार मिटर अग्ला शिखरमा सबै भन्दा धेरै पटक आरोहण गरेको किर्तिमान छ । उनले के टु, चोयु, ल्होत्से र मनास्लु जस्ता हिमालरुको आरोहण गरिसकेका छन् ।