कार्तिक २५, सोलुखुम्बु । ओखलढुंगा प्रहरीले जुवातास खेलिरहेको अवस्थामा ६ जनालाई पक्राउ गरेको छ । प्रहरीले सिद्धिचरण नगरपालिका–११ रमाइलो डाँडास्थित फ्रेन्डसिप वर्कसपमा जुवातास खेलिरहेको अवस्थामा उनीहरूलाई पक्राउ गरेको हो ।
वर्कसपका सञ्चालक सुनकोसी गाउँपालिका–९ बस्ने २८ वर्षीय लेखबहादुर सुनुवारसहित ६ जनालाई शुक्रबार राति पक्राउ गरिएको प्रहरीले जनाएको छ ।
जिल्ला प्रहरी कार्यालय ओखलढुंगाबाट खटिएको प्रहरीले उनीहरूलाई नगद २२ हजार ७ सय रुपैयाँ, सात थान मोबाइल र एक बुक ताससहित पक्राउ गरेको हो । यसबारे प्रहरीले अनुसन्धान गरिरहेको जनाएको छ ।
Discussion about this post