तामाखानीमा मेलाको तयारी अन्तिम चरणमा

कार्तिक २६, सोलुखुम्बु । हरिबोधनी एकादशीका अवसरमा ज्वालामाई देवीको मन्दिरमा लाग्ने मेलाको तयारी अन्तिम चरणमा पुगेको छ । सोलुखुम्बुको सोलुदुधकुण्ड नगरपालिका वडा नम्बर ३ तामाखानीमा अबस्थित ज्वालामाई देवीको मन्दिरमा हरिबोधनी एकादशीका दिन देखि लाग्ने मेलाको तयारी अन्तिम चरणमा पुगेको हो ।

ज्वालामाई देविको मन्दिरमा दर्शन गरेमा मनोकांक्षा पूरा गर्ने विश्वासका साथ सुन, चाँदीका गरगहना समेत चढाउने गरिएको मेला व्यवस्थापन समितीका संयोजक मिलन पुलामी मगरको भनाई छ ।

ज्वालामाई देविको मन्दिरमा मादक पदार्थ सेवन गर्ने, माछामासु, लसुन सेवन गरि प्रवेश गर्दा बरदानको सट्टा सराप पाईने धार्मिक विश्वास रहेकाले निषेधित खानेकुरा नखाई दर्शन गर्न मेला व्यवस्थापन समितीका संयोजक मिलन पुलामी मगरले आग्रह समेत गर्नुभएको छ ।

उक्त मन्दिर दर्शनका लागि सोलुखुम्बु जिल्लाको विभिन्न स्थानदेखि ओखलढुंगा, खोटाङ, रामेछाप, काठमाडौँ लगायत विभिन्न स्थानहरुबाट दर्शनका लागि दर्शनार्थीहरु आउने गरेको मन्दिर व्यवस्थापन समितिले जनाएको छ