कार्तिक २६, सोलुखुम्बु । सोलुखुम्बुको सोताङ गाउँपालिका वडा नम्बर ४ ले सडक मर्मत तथा सरसफाइलाई उच्च प्राथमिकतामा राखेर काम गरिरहेको छ । वर्षातको समयमा सडक पुरिने, भत्किने तथा अवरुद्ध भएकाले जेसिबी लगाएर सडक मर्मतको कार्य भइरहेको वडा अध्यक्ष दिप बहादुर राईले जानकारी दिनुभयो ।
वर्षातको कारण अवरुद्ध बनेको दिम्बुल जाने बाटो मर्मत भइसकेको र सुस्ला, निपाने, धोद्रे हुँदै चित्रे जाने बाटो खुलाउने काम भइरहेको अध्यक्ष राईको भनाई छ । वडा भित्रका सडकहरु ठाउँ ठाँउमा बिग्रदा आवतजावतमा समस्या भएको भन्दै बाटो खुल्याइएको जनाइएको छ ।
Discussion about this post