मंसिर २, सोलुखुम्बु । ओखलढुगांका मोलुङ गाउँपालिका वडा नम्बर ५ वडा अध्यक्षमा ८ जनाको उम्मेदवारी परेको छ । १६ मंसिरमा हुने उपनिर्वाचनका लागि आइतबार तिन जना स्वतन्त्रसहित ८ जनाले मनोनयन दर्ता गराएका हुन् ।
जिल्ला निर्वाचन कार्यालय ओखलढुगांका अनुसार नेपाली कांग्रेसबाट घन श्याम दाहाल, नेकपा (माओवादी केन्द्र) बाट मान बहादुर सुनुवार, र राष्ट्रिय स्वतन्त्र पार्टी (रास्वपा)बाट विष्णु प्रसाद पोखरेलले मनोनयन दर्ता गरेका छन् ।
राष्ट्रिय प्रजातन्त्र पार्टी (राप्रपा)बाट चन्द्र मणि दाहाल,जनता समाजवादी पार्टीबाट इन्द्र बहादुर दर्जी, नेकपा (एकीकृत समाजवादी) पार्टीबाट गंगा बहादुर तामाङ, फरक चिन्ह् स्वतन्त्रबाट दिप बहादुर दाहाल (खत्री) र हेम बाहदुर सुनुवारले मनोनयन दर्ता गरेका हुन् ।
मोलुङ गाउँपालिका वडा नम्बर ५ मा २०७९ सालको स्थानीय तह निर्वाचनमा नेपाली कांग्रेसबाट गोपीकृष्ण कार्की निर्वाचित भएका थिए । उनको गत जेठ ३० गते निधन भएपछि उपनिर्वाचन हुन लागेको हो ।
Discussion about this post