सोलु काङ्ग्रेसको १ सय दिने अभियानमा जिम्मेवारी सचिवलाई 

मंसिर ३, सोलुखुम्बु । नेपाली काङ्ग्रेसका सोलुखुम्बुको प्रदेश सभा क्षेत्र ख का सभापति कर्मा शेर्पा १ सय दिने राष्ट्रिय अभियानमा उपस्थित हुन नसक्ने भएपछि उक्त अभियानको गतिविधि सञ्चालनको जिम्मा भलाकाजी कार्कीलाई दिनुभएको छ ।

 उहाँले सोमबार  आफू देश बाहिर रहेकाले सोमबार तय भएको बैठकमा उपस्थित हुन नसक्ने जनाउँदै क्षत्रीय सचिव भलाकाजी कार्कीलाई बैठकमा आफ्नो प्रतिनिधित्व गर्दै उपस्थित हुन र अभियानको सम्पूर्ण जिम्मेवारी बहन गर्न पत्र काट्नुभएको हो ।  

काङ्ग्रेस सोलुखुम्बुले आजका लागी तय गरेको जिल्ला कार्य समितिको बैठकमा उपस्थिति सँगै १ सय दिने अभियानको अन्यकाम क्षत्रीय समितिको निर्णयमा कार्कीलाई प्रदान गरिएको शेर्पाले बताउनुभयो । जिल्लामा पार्टी भित्र रहेको विवाद निरुपण र पार्टी शुद्धिकरणको लागी केन्द्रिय सदस्य अमृत अर्याल लगायत अन्य नेता तथा पदाधिकारीहरू जिल्ला आइसकेका छन् ।