मंसिर ३, सोलुखुम्बु । अखिल क्रान्तिकारी सोलुखुम्बुले इकाई कमिटी पुनर्गठनलाई तिव्रता दिएको छ । जिल्लाको थुलुङ दुधकोशी गाउँपालिकाका विद्यालयमा अखिल क्रान्तिकारी सोलुखुम्बुले इकाई कमिटी पुनर्गठनलाई तिव्रता दिएको हो । केही समय अगाडी पालिका भित्रका विद्यालयमा ईकाई कमिटी गठन गरिएको तर विद्यार्थीहरु अध्ययनको शिलशिलामा राजधानी केन्द्रित भएकाले पुनर्गठन गरिएको हो ।
मंसिर २ गतेदेखि लोखिममा अवस्थित जनता माध्यमिक बिधालयमा विज्ञान राईको अध्यक्षतामा ६९ सदस्यीय इकाई कमिटी पुनर्गठन गरिएको अखिल क्रान्तिकारी जिल्ला कार्यसमिति सोलुखुम्बुका अध्यक्ष सोनाम शेर्पाले जानकारी दिनुभयो । उहाँका अनुसार सोही दिन थुलुङ दुधकोशी गाउपालिका ९ लोखिममा स्थित जनसेवा माध्यमिक विद्यालयमा डोमातामाङको अध्यक्षतामा ६७ सदस्यीय इकाई कमिटी पुनर्गठन गरिएको छ ।
यस्तै मंसिर ३ गते थुलुङ दुधकोशी गाउपालिका ५ जुबु स्थित हिमालय माध्यमिक बिधालयमा अवजित सुन्दासको अध्यक्षतमा ८५ सदस्यीय इकाई कमिटी पुनर्गठन गरिएको छ । अखिल क्रान्तिकारी सोलुखुम्बुका अनुसार थुलुङ दुधकोशी गाउँपालिकाको ७ वटा विद्यालयमा कमिटी पुनर्गठन गर्न बाँकी रहेको छ ।
अखिल क्रान्तिकारी सोलुखुम्बुका अध्यक्ष शेर्पाले आफुले जिल्ला अध्यक्षको नेतृत्व गर्दै गर्दा जिल्लामा विद्यार्थीहरुको हक, हित र अधिकार सुनिश्चित गर्नका साथै सिगों जिल्लाको शैक्षिक क्षेत्रमा रहेका विकृती विसगंतीको अन्त्य गर्नका लागि इकाई कमिटी पुनर्गठन गरी विभिन्न कार्यक्रम आयोजना गरिने बताउनुभयो ।
Discussion about this post