नेचासल्यामा ८१ वटा कुकुर र बिरालोलाई रेबिज रोगविरुद्ध खोप लगाइयो

मंसिर ५, सोलुखुम्बु । रेबिज रोग रोकथामका लागि नेचासल्यान गाउँपालिका थालिएको अभियान अन्तर्गत पहिलो दिन ८१ वटा घरपालुवा कुकुर र बिरालोमा रेबिज रोगविरुद्धको खोप लगाइएको छ । खोप अभियानका क्रममा वडा नम्बर एकमा ५६ वटा भाले र १६ वटा पोथी कुकुरलाई खोप लगाइएको हो ।

यस्तै ५ वटा पोथी र ४ वटा भाले बिरालोलाई खोप लगाइएको पशु शाखा अधिकृत लेखनाथ बास्तोलाले जानकारी दिनुभयो । उहाँका अनुसार गाउँपालिकाको चालु आर्थिक वर्ष २०८१/८२ को वार्षिक कार्यक्रम अन्र्तगत रेबिज विरुद्धको निशुल्क घुम्ति खोप शिबिर सञ्चालन गरिएको हो ।

रेबिज प्राणघातक रोग भएकाले पूर्व सावधानी अपनाउन सकेको खण्डमा यसबाट बच्न सकिने भएकाले रोग लाग्ने अवस्था आउन नदिनका लागि गाउँपालिकाले निशुल्क खोपको व्यवस्था गरेको अधिकृत बास्तोलाको भनाई छ ।

यहि मंसिर ४ गतेबाट सुरु गरिएको अभियान भोली बिहिबार सम्म सञ्चालन गरिने गाउँपालिकाले जनाएको छ ।