एक लाख पर्यटक भित्र्याउने लक्ष्यसहित ‘मुन्दुम ट्रेल’ भ्रमण वर्ष मनाइने

मंसिर ५, सोलुखुम्बु । सन् २०२५ लाई मुन्दुम ट्रेल भ्रमण वर्षका रूपमा मनाइने भएको छ । एक कार्यक्रमका वीच अाज २०२५ लाइ मुन्धुम ट्रेल भ्रमण वर्ष मनाइने भएकाे जनाइएकाे हाे ।   कार्यक्रम मैयुङ टेम्केमैयुङ साल्पा सिलिचुङ पर्यटन प्रवर्द्धन केन्द्रका अध्यक्ष रमेश राईकाे अध्यक्षता तथा टेम्के मैयुङ गाउँपालिकाकोे अध्यक्ष सरोज बस्नेतको प्रमुख अतिथिमा सम्पन्न भएको थियाे । उक्त कार्यक्रममा महाकुलुङ गाउँपालिका साेलुखुम्बुका अध्यक्ष सुर्य बहादुर कुलुङ, उपाध्यक्ष विपना कुलुङ लगायत  मुन्धुम ट्रेलसँग जोडिएका पालिकाहरुका अध्यक्ष उपाध्यक्ष, वडा अध्यक्ष लगायत कर्मचारीहरुको उपस्थीतिहरुमा भ्रमण वर्ष तयारीको बैठक सम्पन्न भएको संवाददाता उदव कुलुङले जानकारी दिनुभयो ।

उहाँले सात वर्षदेखि ट्रेलको प्रवर्द्धन र प्रचार–प्रसार गर्दै आएकामा सन् २०२५ मा आन्तरिक तथा बाह्य गरी एक लाख पर्यटक भित्र्याउने लक्ष्यसहित भ्रमण वर्ष मनाउन लागिएको हो । भ्रमण वर्षमा लालीगुराँस महोत्सव, सुन्तला महोत्सव, अल्ट्रा म्याराथन, सांस्कृतिक साहित्यिक महोत्सव, हनिहन्टिङ, माउन्टेन साइक्लिङ, रुद्राक्ष महोत्सव लगायत विविध महोत्सवहरू आयोजना गरिने भएको छ ।

यस्तै मुन्दुम ट्रेलको विस्तारित रूप “ग्रेटर मुन्दुम ट्रेल “ खुवालुङदेखि चोमोलुङ्गासम्म सन् २०२५ भरि नै विविध कार्यक्रमहरू गरी लाखौं पर्यटक भित्र्याउने र मुन्दुम ट्रेललाई विश्वव्यापी रुपमा स्थापित गराउने लक्ष्य राखिएको छ ।