खोटाङको डुम्रेधारापानीमा आगलागी, घरबास बिहिन बन्याे भुजेल परिवार

मंसिर ६, सोलुखुम्बु ।  खोटाङको रावाबेसी गाउँपालिका वडा नम्बर ४ डुम्रेधारापानीमा आगलागी हुँदा ५ लाख बाबरको क्षति भएको छ ।  ५ गते राती ८ः १५ बजे स्थानीय इन्द्र बहादुर भुजेलको घरमा आगलागी हुँदा ५ लाख बराबरको क्षति भएको हो ।  भुजेलको ढुङ्गा माटोको गाह्रोले बनेको  जस्ताको छाना भएको २ तल्ले घरमा एक्कासि आगलागी भइरहेको भन्ने जानकारी प्राप्त हुनासाथ तत्काल प्रहरी चौकी डुम्रेधारापानीबाट प्रहरी टोली पुगेर राती १० ३० बजे आगो नियन्त्रणमा लिइएको जिल्ला प्रहरी कार्यालय खोटाङले जनाएको छ ।  आगलागीबाट भुजेलको घर पूर्ण रुपमा क्षति भएको जनाइएको छ । भने आगलागीबाट मानवीय र चौपाया क्षति नभएको जनाइएको छ ।  आगलागीको कारण भने खुल्न सकेको छैन ।  अागलागीबाट घर पूर्ण रूपमा जलेपछी भुजेल पिरवार घरबास विहिन बन्न पुगेकाे छ ।