‘बाल अधिकार हामी सबैको सरोकार’ भन्ने मूल नाराका साथ बाल दिवस मनाइयो

मंसिर ६, सोलुखुम्बु । सुनकोसी बाल सन्जालद्वारा बाल अधिकार हामी सबैको सरोकार भन्ने मूल नारा सहित विश्व बाल अधिकार दिवस मनाएको छ । वर्ल्ड भिजन इन्टरनेसनल नेपाल उदयपुर, जाल्पा एकीकृत समाजको सहयोग र बाल अधिकार समिती ताप्ली ५ को समन्वय साथै सुनकोसी बाल संजाल ताप्ली ५ को आयोजनामा विश्व बाल दिवस मनाइएको हो ।

बुधबार महेन्द्र रत्न माध्यमिक विद्यालय रुपाटारको प्राङ्गणमा चियर रेस, नृत्य, एकल गायन, सडक नाटक, बक्तृत्वकला, कबिता बाचन जस्ता विभिन्न प्रतियोगिताहरु सन्चालन गरिएको संवाददाता ठविन्द्र मगरले जानकारी दिनुभयो । कार्यक्रममा रुपाटारका ७ वटा बिद्यालयका बिद्यार्थीहरु, शिक्षकहरुको उपस्थिती रहेका थिए ।

सोही कार्यक्रममा उत्कृष्ट समूहहरुलाई वर्ल्ड भिजन र जाल्पाको तर्फबाट आकर्षक पुरस्कार प्रदान गरिनुको साथै शैक्षिक प्रगतिको शुभकामना समेत दिईएको थियो । बालसन्जालद्वारा उक्त आयोजित कार्यक्रममा जाल्पा एकीकृत बिकास समाजका सामाजिक परिचालक ईन्द्र नारायण श्रेष्ठले यस्ता कार्यक्रमले बालबालिकाको बोल्ने कला, आन्तरिक प्रतिभा प्रस्फुटन साथै सर्बाङ्गिण बिकासमा टेवा पुग्ने भएकोले हरेक दिवस, पर्वको अवसरमा प्रतिभामुखी कार्यक्तम निरन्तर गरिरहनुपर्ने भनी आफ्ना भनाई व्यक्त गर्नुभयो ।

वडा नम्बर ५ रुपाटारमा समूदाय र बिद्यालयस्तरिय गरि १६ वटा बालक्लवहरु क्रीयाशिल रहेका छन् । यी बालक्लवहरुले समाज रुपान्तरण का लागि सरसफाइ अभियान, बालबिबाह न्युनिकरण, सामाजिक हिंशा न्युनिकरण र बालबालिकाहरुको सर्वपक्षिय व्यवहार परिवर्तनमुखी क्रियाकलापहरु निरन्तर रुपमा गर्दै आईरको वडास्तरिय बालाधिकार समितिले जनाएको छ ।

त्यसैगरी नेपाल सरकार र स्थानिय सरकार र सम्बन्धित संघसंस्थाहरुले पनि बालबालिकाको सर्वपक्षिय बिकास, बालसहभागिता र संरक्षणका निम्ति प्रयाप्त बजेट व्यवस्थापन र बालबालिकामैत्री कार्ययोजना÷क्रियाकलापहरु निर्माण गर्नु पर्छ भनी वडास्तरिय बालसन्जालका सदस्य तथा नवसिर्जित बाल क्लबका अध्यक्ष रचना मगरले आफ्ना भनाई व्यक्त गरेका छन् ।