सोलुका राई सहित उच्च र जिल्लाका ११ न्यायाधीशको सरुवा

मंसिर ६, सोलुखुम्बु । न्याय परिषद् बैठकले उच्च अदालतका दुई र सोलुुखुम्बुका शंकर राई सहित अन्य जिल्ला अदालतका ११ जना न्यायाधीशको सरुवा गरेको छ । बिहीबार बिहान बसेको परिषद्को बैठकले १३ जना न्यायाधीशहरुको सरुवा गरेको हो । बैठकले उच्च अदालत जनकपुरका न्यायाधीश किरणकुमार पोखरेललाई उच्च अदालत विराटनगर र उच्च अदालत तुलसीपुरका न्यायाधीश रेखा थापा पाण्डेलाई विराटनगर सरुवा गर्ने निर्णय गरेको छ ।

बैठकले जिल्ला अदालत सोलुखुम्बुका न्यायाधीश शंकर बहादुरलाई राई जिल्ला अदालत कास्की, जिल्ला अदालत जुम्लाका न्यायाधिश रोजश कुमार कटुवाललाई जिल्ला अदालत तनहुँ, जिल्ला अदालत काठमाडौँका न्यायाधिश श्यामलाल घिमिरेलाई जिल्ला अदालत जाजरकोट, जिल्ला अदालत सुनसरीका न्यायाधीश डिल्लीराम शर्मा अर्याललाई रुपन्देही जिल्ला अदालत र जिल्ला अदालत दाङका न्यायाधीश मनोजकुमार श्रीवास्तवलाई जिल्ला अदालत धनुषा सरुवा गरेको छ ।

यस्तै जिल्ला अदालत धनुषाका न्यायाधीश रोमाकान्त ज्ञवालीलाई जिल्ला अदालत दाङ, जिल्ला अदालत सिन्धुलीका न्यायाधीश रामानन्दप्रसाद ज्ञवालीलाई जिल्ला अदालत नवलपरासी, जिल्ला अदालत तनहुँका न्यायाधीश चन्द्र कुमार पोखरेललाई जिल्ला अदालत सोलुखुम्बु, जिल्ला अदालत सिराहाका न्यायाधीश आनन्दराज पन्तलाई जिल्ला अदातल जुम्ला, जिल्ला अदालत रुपन्देशीका न्यायाधीश निलकण्ड बराललाई जिल्ला अदालत सुर्खेत र जिल्ला अदालत नवलपरासीका न्यायाधीश मिन बहादुर कुँवरलाई जिल्ला अदालत मुगु सरुवा गरेको छ ।