सेवाग्राहीको सहजताका लागि जिल्ला प्रशासन कार्यालयबाटै हुलाक टिकट सेवा

मंसिर ६, सोलुखुम्बु । जिल्ला हुलाक कार्यालय सोलुखुम्बुबाट बिक्री वितरण हुदैँ आएको हुलाक टिकट सेवाग्राहीको सहजताका लागि जिल्ला प्रशासन कार्यालयबाट उपलब्ध हुने व्यवस्था मिलाईएको छ ।

सो कार्यालयमा सेवा लिन आउने सेवाग्राहीले हुलाक टिकटका ला िहुलाक कार्यालय सम्म धाउनु पर्ने बाध्यता रहेकाले बुधबारबाट सहज रुपमा टिकट खरिदको व्यवस्था मिलार्ईएको प्रमुख जिल्ला अधिकारी अनोज कुमार घिमिरेले जानकारी दिनुभयो ।

प्रशासन कार्यालयमा काम परेर आउने सेवाग्राहीले टिकट किन्न हुलाक सम्म जानुपर्ने बाध्यता थियो भने कतिपय ठाउँमा सेवाग्राहीलाई अन्योल हुने गरेको भन्दै प्रशासन कार्यालयमै हुलाक टिकटको व्यवस्था मिलाईएको प्रजिअ घिमिरेको भनाई छ ।

जिल्लामा एक वटा जिल्ला हुलाक कार्यालय, ७ वटा इलाका हुलाक कार्यालय र २१ वटा अतिरिक्त हुुलाक कार्यालय मार्फत सेवा प्रवाह हुँदै आएको जिल्ला हुलाक कार्यालय सोलुखुम्बुका निमिक्त कार्यालय प्रमुख उषा दाहालले जानकारी दिनुभयो ।