सिंहकाली आविका एक सय बढी विद्यार्थी तथा शिक्षकलाई न्यानो कपडा वितरण

मंसिर ६, सोलुखुम्बु । सोलुखुम्बुको सोलुदुधकुण्ड नगरपालिका वडा नम्बर ११ तिङ्ला स्थित सिहंकाली आविका एक सय बढी विद्यार्थी तथा शिक्षकलाई न्यानो कपडा वितरण गरिएको छ ।

बिहिबार हिमालयन केयर फाउण्डेशनद्वारा विद्यालयमा अध्ययनरत १ सय ४६ जना विद्यार्थी र १२ जना शिक्षकलाई ज्याकेट वितरण गरेको हो । सोलुदुधकुण्ड नगरपालिका वडा नम्बर ७ का वडाध्यक्ष तथा हिमालयन केयर फाउण्डेशनका अध्यक्ष सोनाम ग्याल्जेन शेर्पाले ज्याकेट वितरण गर्नुभएको सहकर्मी गोमा बस्नेतले जानकारी दिनुभयो ।

यस विद्यालयमा केही समय अगाडी खानेपानीको धारा निमार्ण गरेको थियो भने आगामी दिन विद्यालमा खेल मैदानको आवश्यक देखिएकाले पहल गरिने अध्यक्ष शेर्पाको भनाई छ ।

कार्यक्रममा विद्यालयका वि.व्य.स अध्क्षय मौजन थुलुङ राई, सोलुदुधकुण्ड नरपालिका वडा नम्बर ११ का वडा अध्यक्ष टंक बहादुर कार्की, पूर्व वडाध्यक्ष बल बहादुर नेपाली, हिमालयन केयर फाउण्डेशनका ब्राण्ड म्यानेजर आङ्गेलिका र भाटिना, शिक्षक, कार्यपालिका सदस्य निर कुमार नेपाली, विद्यार्थी, अभिभावकको उपस्थित रहेको थियो ।