घरेलु तथा साना उद्योग सोलुको आयोजनामा एकै दिन सुरु भए २ वटा फरक फरक तालिम 

मंसिर ७, सोलुखुम्बु । सोलुखुम्बुका २ वटा वडामा एकैपटक २ वटा तालिमको सुरुवात भएको छ  ।  जिल्लाको सोलुदुधकुण्ड नगरपालिकाको वडा नम्बर ६ र ७ मा शुक्रबार एकै दिन २ वटा तालिमको सुरुवात भएको हो ।  घरेलु तथा साना उद्योग कार्यालय सोलुखुम्बुको आयोजनामा वडा नम्बर ६ दोर्पुमा डल, कुशन तथा खेलौना निर्माण सम्बन्धी १ महिने तालिमको सुरुवात भएको कार्यालयले जनाएको छ । वडा अध्यक्ष फुर्वा ग्याल्जेन शेर्पाको अध्यक्षता तथा घरेलु तथा साना उद्योग कार्यालय सोलुखुम्बुका प्रमुख नारायण प्रसाद खतिवडाको प्रमुख आतिथ्यमामा तालिमको सुरुवात भएको जनाइएको छ ।  

यस्तै वडा नम्बर ७ गार्मामा ३ महिने सिलाई कटाई सम्बन्धी तालिमको सुरुवात गरिएको छ । महिलाहरूलाई आत्मनिर्भर बनाउने उद्देश्य सहित महिलाहरूका लागी ३ महिने सिलाई कटाई सम्बन्धी ३ महिने तालिमको सुरुवात भएको वडाले जनाएको छ ।   वडा नम्बर ७ गार्माका कार्यवाहक वडा अध्यक्ष भलाकाजी कार्कीको अध्यक्षता तथा कार्यालयका प्रमुख खतिवडाको प्रमुख आतिथ्यतामा सम्पन्न एक कार्यक्रमका बीच तालिको सुरुवात गरिएको हो ।

उक्त दुबै तालिममा १०/१० जना सहभागी रहेको जनाइएको छ । समाजमा बढ्दो बेरोजगारीको समस्यालाई यि दुबै तालिमले केही हद सम्म कम गरि आत्मनिर्भरता बढाउने विश्वास लिएको कार्यालय प्रमुख खतिवडाले बताउनुभयो ।  हरेक वर्ष सञ्चालन गरिने यो प्रकृतिका तालिममार्फत नागरिकको सीप र दक्षतालाई बढाउँदै रोजगारी श्रीजना गर्ने उद्देश्य सहित तालिमको आयोजना गरिएको उहाँले बताउनुभयो  ।