बडहरे एकता सेवा समाज गठन, अध्यक्षमा बस्नेत चयन

मंसिर ८, सोलुखुम्बु । खोटाङको हलेसी तुवाचुङ नगरपालिका –४ बडहरेमा “बडहरे एकता सेवा समाज गठन गरिएको छ । शनिबार पुर्ण बहादुर बस्नेत (राजन) को अध्यक्षतामा १२ सदस्य समिती गठन गरिएको हो ।

उपाध्यक्षमा पुण्य बहादुर बस्नेत कोषाध्यक्षमा नारायण बहादुर बस्नेत, सचीव सन्तोष बस्नेत र सह–सचीवमा टेक बहादुर बस्नेत चयन हुनुभएको छ, भने वरिष्ठ उपाध्यक्षमा हेमराज बस्नेत चयन हुनुभएको समाजका सदस्य कुल बहादुर बस्नेतले बताउनुभयो ।ा

बडहरे एकता सेवा समाजले आर्थिक रुपमा बिपन्न, अशक्त र जुनसुकै बेला आईपर्ने प्राकृतिक प्रकोप, बिपती लगायत अन्य समस्यामा परेकाहरूलाई सहयोग गर्नका लागि गठन गरिएको समाजका अध्यक्ष बस्नेतले बताउनुभयो ।

उहाँका अनुसार केही समय मासिक रूपमा प्रती ब्यक्ती ६ सयका दरले आर्थिक संकलन गरी संकलित रकमलाई कुमारी बैंकको खाता खोलिने र आज कमिटी गठन सँगै १३ हजार रुपैयाँ आर्थिक संकलन भएको समाजका कोषाध्यक्ष नारायण बहादुर बस्नेतले बताउनुभएको छ ।

बडहरे एकता सेवा समाजको मासिक बैठक बस्ने र मासिक रूपमा आर्थिक संकलन गर्ने गरि निर्णय भएको सचीव सन्तोष बस्नेतको भनाई छ । उक्त समाजले जुनसुकै समयमा बिपत्तिमा परेकाहरुलाई मासिक रूपमा केही रकम जम्मा गरेर सहयोग गर्ने उदेश्यले बडहरे सेवा समाज गठन गरिएको वरिष्ठ उपाध्यक्ष हेमराज बस्नेतले जानकारी दिनुभयो ।