जिल्ला न्यायाधिश राईको सरुवा, सोलुखुम्बुमा पोखरेल आउने

मंसिर ९, सोलुखुम्बु । जिल्ला अदालत सोलुखुम्बुका जिल्ला न्यायाधिश शंकर बहादुर राईको सरुवा भएको छ । जिल्ला अदालत सोलुखुम्बुको एक वर्षे कार्यकाल सकाएर राई जिल्ला अदालत कास्कीमा सरुवा हुनुभएको जनाइएको छ । न्याय परिषदले गत मंसिर ६ गते गरेको सिफारिस अनुसार राईलाई कास्की पठाएको हो भने जिल्ला न्यायधिश रुपमा सोलुखुम्बुमा चन्द्र कुमार पोखरेल आउनुहुने भएको छ । सरुवा हुनुभएका न्यायाधिश राईलाई आज कर्मचारी मिलान केन्द्र सोलुखुम्बुले बिदाई समेत गरेको छ । उहाँलाइ प्रमुख जिल्ला अधिकारी अनाेज कुमार घिमिरे, प्रहरी नायव उपरिक्षक द्वारीका प्रसाद घिमिरे, सशस्त्र प्रहरी वल साेलुखुम्बुका प्रमुख डिएसपी गाेविन्द पाेखरेल लगायतले विदाइ गर्नुभएकाे छ ।  न्याय परिषदले राई सहित अन्य ११ जना जिल्ला न्यायाधीशहरुको सरुवा गरेको हो ।