मंसिर १०, सोलुखुम्बु । ओखलढुगांको खिजिदेम्बा गाउँपालिकाका पाँच जना युवाहरुले आमादब्लम हिमालको सफलतापूर्वक आरोहण गरेका छन् । गत नोवेम्बर २१ का दिन विहान १० बजेर ३० मिनेटदेखि १० बजेर ५० मिनेटमा हिमालको सफलतापूर्वक आरोहण गरको हुन ।
आरोहण गर्नेहरुमा पिके ट्रेक एण्ड एक्पीडिसनका डाइरेक्टर ङावा पेम्बा शेर्पा, पात्ले शेर्पा किदुगका महासचिव टेण्डु शेर्पा, छिरिङ शेर्पा र फुर्वा शेर्पा रहेका छन् । उनीहरु मध्ये चार जना खिजीदेम्बा ९ का र फुर्वा शेर्पा वडा नम्बर ५ का रहेका छन् । उनीहरुसँगै चार जना कोरियाली आरोहीले पनि उक्त हिमालको सफल आरोहण गरेको जनाइएको छ ।
सबै आरोहीले ६ हजार ८ सय १२ मिटर उचाईको हिमालको सफल आरोहण गरी फर्केका हुन् । यसैवीच एसेन्ट एड ट्रेक एण्ड एक्पीडिसनबाट खिजीदेम्बा ९ को मिङमार डि शेर्पाले नोवेम्बर २० मा आमादब्लम हिमालको सफलतापूर्वक आरोहण गरेका छन् । ६ हजार भन्दा माथिको अन्य हिमालहरु समेत आरोहण गरेको उनी शेर्पा हेल्पिङ ह्यण्डका अध्यक्ष र खुम्बु एक्सक्र्यूजनका डाइरेकटर समेत हुन् ।
Discussion about this post