१० वर्ष पछि सोलुखुम्बु जिल्ला उद्योग वाणिज्य संघको अधिबेशन हुँदै

मंसिर ११, सोलुखुम्बु । उद्योग बाणिज्य संघ सोलुखुम्बुको चौथो जिल्ला अधिवेशनको तयारी तिब्र पारिएको छ । आगामी १३ गते हुने जिल्ला अधिवेशनको तयारी तिब्र पारिएको हो । १० बर्ष देखी अधिबेशन गर्न नसकेको उद्योग बाणिज्य संघ सोलुखुम्बुले आगामी अधिवेशनलाई ऐतिहासिक मान्दै भव्य तयारी गरिरहेको छ ।

वर्तमान अन्तरीम समितिले अधिबेशन गराउँदै उक्त अधिवेशनबाट नयाँ कार्य समिति चयन गरि संघको अन्य नियमित कामहरुलाई निरन्तरता दिइने जनाइएको छ । हाल उद्योग बाणिज्य संघ सोलुखुम्बुमा २ सय ६० सदस्य आवद्ध छन् । यि सदस्य हरुबाट नयाँ कार्य समितिका पदाधिकारी चयन हुने छन् ।

अधिवेशनले एक अध्यक्ष २ उपाध्यक्ष एक सचिव, १ उपसचिव र १ कोषाध्यक्ष सहित १० जना सदस्य चयन गर्नेछ । सके सम्म अधिबेशन सर्वसम्मत गर्ने प्रयास भइरहेको श्रोतले बताएको छ । श्रोतका अनुसार नयाँ कार्यसमितिले नयाँ सदस्यता बढाउने, समितिका कामलाई चुस्त दुरुस्त बनाउने, उद्योगी एवं व्यवसायीहरुका समस्याहरुलाई एजेण्डा बनाइएको छ ।