केपिलासगढीका १९ महिलाको पालिकाले गरिदियो पाठेघरको शल्यकृया

मंसिर १२, सोलुखुम्बु । खोटाङको केपिलासगढी गाउँपालिकाले १९ जना महिलाहरुको पाठेघरको शल्यक्रिया गरेको छ । गाउँपालिकाका पाठेघर खसस्ने समस्या भएका महिलाहरुलाई बनेपाको शिर मेमोरीयल अस्पताल पु¥याएर शल्यक्रिया गरि उपचार गराएको हो । गाउँपालिकाको आयोजना, अस्पतालको आर्थिक,प्राविधिक सहयोग तथा सामुदायिक सेवा प्रतिष्ठान भक्तपुरको समन्वयमा उनीहरुको शल्यक्रिया गरिएको गाउँपालिकाले जनाएको छ ।

गाउँपालिकाबाट बस रिजर्भ गरेर ३३ जना महिला अस्पताल पु¥याइएकोमा पाठेघर सम्बन्धी समस्या भएका १९ जनाको सफल शल्यक्रिया गरिएको गाउँपालिका अध्यक्ष समिर राइले बताउनुभयो । उहताँका अनुसार सोमबार ६ जना र मंगलबार १३ जनाको पाठेघरको शल्यक्रिया गरिएको हो । अन्य १४ जनामध्येमा एकजनाको मुटुको समस्या भएको, दुईजनामा सुगरको समस्या देखिएको, एकजनामा रक्तचापको समस्या देखिएको र अन्यको सेकेण्ड डिग्री पाठेघर खसेकाले औषधि उपचार गराएर घर फकाईएको छ ।

गाउँपालिकाले मंसिर २ गते सूचना जारी गरेर पाठेघर खसेका महिलाहरुलाई नजिकैको स्वास्थ्य संस्थामा चेकजाँच गराई स्वास्थ्यकर्मीबाट शल्यक्रियाका लागि सिफारिस गरी माग्न आग्रह गरेको थियो । शल्यक्रियामा जाने महिलाहरुलाई मंसिर ७ गते गाडी रिर्जभ गरेर साँझमा अस्पताल पु¥याईएको थियो । विरामीको कुरुवाको यातायात खर्च र शल्यक्रिया गर्नुपर्ने महिलाहरुका लागि भोजन र आवासको व्यवस्था गाउँपालिकाले गरेको गाउँपालिका राईले बताउनुभयो ।