थुलुङ दुधकोशीमा सकियो, तीन दिने बिषयगत शिक्षक तालिम

मंसिर १२, सोलुुखुम्बु । सोलुखुम्बुको थुलुङ दुधकोशी गाउँपालिका वडा नम्बर तीन दिने शिक्षक विषयगत तालिम सम्पन्न भएको छ । रीड नेपाल र थुलुङ दुधकोशी गाउँपालिकाको संयुक्त आयोजनामा संचालित ३ दिने गणित अंग्रेजी विज्ञान र सामाजिक विषयको तालिम सम्पन्न भएको हो । गाउँपालिका उपाध्यक्ष सबिता राईको अध्यक्षतामा तथा वडा नम्बर ६ का वडा अध्यक्ष महेन्द्रदीप राई, शिक्षा शाखा प्रमुख गणेश गुरुधामीको उपस्थिति रहेको थियो ।

समापन कार्यक्रममा पालिका उप प्रमुख सबिता राईले रीड नेपाल शैक्षिक सहयात्री रहेको भन्दै सम्पूर्ण शैक्षिक क्रियाकलापहरु रीड संग सहकार्यगर्दै गरिरहेको बताउनुभयो । तालिममा सिकेका कुराहरु लागु गर्न आग्रह गर्दै आफु अनुगमनमा जादा अझै केहीकुरा सुधार गर्नु पर्ने भन्दै आगामी दिनमा सुधार गरेर अगाडी बढ्न आग्रह गर्नुभयो ।

पालिकाको मुख्य ध्यान नै शिक्षा केन्द्रित भएकोले सबैले साथ दिएर पालिकाको लक्ष्यलाई सफल पार्नु पर्ने बताउनुभयो । पालिकाको शैक्षिक गुणस्तरलाई कायम गर्न थप मेहनत गरेर अगाडी बढ्न आग्रह गर्नुभयो । कार्यक्रममा सहभागीको तर्फबाट बोल्दै जुनुमाया राईले तालिममा धेरै कुरा सिकाइ भएको र आफुलाई शिक्षक पेशा प्रति गौरव महसुस भएको र तालिमले निकै उत्प्रेरणा मिलेको बताउदै प्रशिक्षकहरुलाई धन्यवाद दिनुभयो ।

त्यस्तै जीवनज्योति मावि नेलेका शिक्षक देवी बहादुर बस्नेतले तालिममा सिकेका कुराहरु विद्यालयमा सदुपयोग गर्ने प्रतिबद्धता व्यक्त गर्दै तालिम निकै उपलब्धीमुलक भएको बताउनु भयो । रीड नेपालका शिक्षा विकास संयोजक केशव देव गिरीले तालिममा सहभागीहरुलाई धन्यवाद दिदै सिकेका विषयवस्तुलाई कार्यन्वयन लान अनुरोध गर्नुभयो ।

साथै पाठ्यक्रम योजना र मूल्यांकनमा जोड दिन आग्रह गर्दै सयुक्त अनुगमनमा आउदा केही न केही कुरा कक्षाकोठामा देख्न पाउने अपेक्षा राखेको बताउनुभयो । शिक्षा शाखा प्रमुख गणेश गुरुधामीले सिकेका सिप लागु गर्न अनुरोध गर्दै पालिकाबाट अनुगमन हुने बताउनुभयो ।

त्यस्तै वडा अध्यक्ष महेन्द्रदीप राईले पालिकाको शिक्षामा महत्तपूर्ण लगानी रहेको भन्दै प्रतिफलका लागि शिक्षकहरुको नै महत्त्वपूर्ण भूमिका रहने बताउनुभयो । रीड नेपालको प्रसंशा गर्दै सहकार्यका लागि धन्यवाद दिनुभयो । पालिका भित्रका ९२ जना शिक्षकको उपस्थिति रहेको तालिममा रीड नेपालका विषय विज्ञ अभिषेक विक्रम शाह, अर्पण रेग्मी, बासु वाग्ले, राजीव ढुंगाना, सुजाता राईले तालिमको सहजीकरण गर्नु भएको थियो ।