सोलुखुम्बु उद्योग वाणिज्य संघको अध्यक्षमा श्रेष्ठ चयन

मंसिर १३, सोलुखुम्बु । उद्योग वाणिज्य संघ सोलुखुम्बुको अध्यक्षमा रामलाल श्रेष्ठ सर्बसम्मत चयन हुनुभएको छ । विहिबार सम्पन्न संघको चौथो जिल्ला अधिबेशनले श्रेष्ठलाई ३ वर्षे कार्यकालकालागी अध्यक्षमा चयन गरेको हो । यस्तै अधिवेशनबाट बरिष्ठ उपाध्यक्षमा राजकुमार श्रेष्ठ चयन हुनुभएको छ ।

२ उपाध्यक्ष मध्ये वरिष्ठ उपाध्यक्षमा श्रेष्ठ चयन हुनुभएको जनाइएको छ । यस्तै प्रथम उपाध्यक्षमा भानुभक्त उपाध्याय, सचिवमा महेश खालिङ, सहसचिवमा सारदा तामाङ, कोषाध्यक्षमा वकील कार्की सर्वसम्मत चयन हुनुभएको व्यवसायी किसोर श्रेष्ठले जानकारी दिनुभयो ।

१० वर्ष देखी हुन नसकेको उद्योग वाणिज्य संघ सोलुखुम्बुकाे अधिबेशन रामलाल श्रेष्ठको अध्यक्षता रहेको अन्तरीम समितिले गराएको हाे । जिल्ला शाखाको कार्यालय सल्लेरीमा विहिबार सम्पन्न अधिबेशनमा निर्वाचित भएपश्चात नवनिर्वाचित समितिले जिल्लामा व्यवसायकि संस्कृतिलाई विकास गर्दै अगाढी बढ्ने अध्यक्ष श्रेष्ठले बताउनुभएको छ । उहाँले स्थानीय उत्पादनलाई प्रवर्द्वन गर्दै नागरिकलाइ आत्मनिर्भर बन्नमा संघले सहयोग गर्ने बताउनु भएको छ ।

अधिवेशनबाट श्रेषठकाे नेतृत्वमा १३ सदस्यीय कार्य समिती चयन भएकाे छ भने समितीकाे कार्यकाल ३ वर्षकाे हुने छ । विहिबार उद्घाटन भएको अधिवेशनको खुल्ला शत्रमा कोशी प्रदेशका पूर्व सामाजिक विकास मन्त्री तथा प्रदेश सांसद बुद्धिकुमार राजभणरीले उद्योग वाणिज्य संघले जिल्लामा अव सकृयता पाउने विश्वास व्यक्त गर्नुभएको छ । कार्यक्रममा बोल्दै जिल्ला समन्वय समितिका प्रमुख कृष्ण प्रसाद निरौलाले संघियता पछि जिल्लामा व्यवसायीक गतिविधी खस्केको भन्दे चिन्ता व्यक्त गर्नुभयो ।

उहाँले यो वाताबरणलाइृ बुझदे आ-आफ्नो क्षेत्रमा व्यवसायीकतालाई बढाउँदै जानुपर्नेमा जोड दिनुपर्ने उल्लेख गर्नुभयो । कार्यक्रममा सोलुदुधकुण्ड नगरपालिकाका उपप्रमुख गान्धीमाया तामाङ, प्रमुख जिल्ला अधिकारी अनोज कुमार घिमिरे, डिएसपी द्वारीका प्रसाद घिमिरे, शशस्त्र प्रहरी बल सोलुखुम्बुका प्रमुख गोविन्द पोखरेल, सहायक प्रमुख जिल्ला अधिकारी रुपेश विश्वकर्मा लगायतको उपस्थीति रहेको थियो ।