अध्यक्ष बस्नेतद्वारा वीरेन्द्र ज्योति माविको पक्की भवन उद्घाटन

मंसिर १३, सोलुखुम्बु । सोलुखुम्बुको सोताङ गाउँपालिकामा रहेको विरेन्दै ज्योति माध्यमिक विद्यालयको नवनिर्मित पक्की भवन उद्घान गरिएको छ । बिहिवार गाउँपालिका अध्यक्ष खिलराज बस्नेतले वास शौचालय सहितको १२ कोठे पक्की भवनको उद्घाटन गर्नुभएको हो ।

नमुना विद्यालय भौतिक निर्माणको ३ करोेड लागतमा नवनिर्मित भवनको ३ शैक्षिक सत्र भित्र सम्पन्न गरिएको वीरेन्द्र ज्योति माध्यमिक विद्यालयका प्रधानध्यापक मोतिरामा बस्नेतले जानकारी दिनुभयो ।

प्रमुख अतिथिको आसनबाट बोल्दै अध्यक्ष बस्नेतले स्कलरशिपमा नाम निकालेर एमबिबिएस डाक्टर अध्ययन गरिरहेका बिरेन्द्रज्योतिका २ जना पुर्व बिद्यार्थीहरुलाई निर्वाह खर्च बापत प्रतिव्यक्ति मासिक रुपमा १० हजारका दरले अध्ययन खर्च उपलब्ध गराउने घोषणा गर्नुभएको छ । बिरेन्द्र ज्योतिका २ जना पुर्व बिद्यार्थी जीवन विश्वकर्मा र तरङ्ग नाछिरिङलाई निर्वाह खर्च बापत खर्च उपलब्ध गराइने भएको हो ।

भवन उद्घाटन कार्यक्रममा वि.व्या.स अध्यक्ष राम बहादुर बस्नेत, निमित्त प्रमुख प्रशासकीय अधिकृत श्रीध्वज राई, वडा अध्यक्ष मानवीर राई, शिअसंघ, राजनीतिक दलका प्रतिनिधि, स्थानीय बुद्धिजीवीहरूको उपस्थितिमा रहेको थियो ।