हिमालमा बढ्यो अलैँची उत्पादन, उत्साहित छन् किसान तर रोग किराकै डर

मंसिर १४, सोलुखुम्बु । हिमाली जिल्ला सोलुखुम्बुमा अलैँचीको उत्पादन बढको छ । गत आर्थिक वर्ष २०७९÷८० को तुलनामा आर्थिक वर्ष २०८०÷८१ मा जिल्लाको अलैँची उत्पादनमा बृद्धि भएका हो । कृषि ज्ञान केन्द्र सोलुखुम्बुका अनुसार आर्थिक वर्ष २०७९÷८० तुलनामा आर्थिक वर्ष २०८०÷८१ को अलैँची उत्पादन ४४ मेट्रिक टनले बृद्धि भएको हो ।

जिल्लामा आर्थिक वर्ष २०८०/८१ मा उत्पादन हुने क्षेत्र समेत बढेको कार्यालयले जनाएको छ । कार्यालयका अनुसार गएको आर्थिक वर्ष १ सय ५० हेक्टर क्षेत्रफलमा अलैँची लगाइएकोमा आर्थिक वर्ष २०८०÷८१ मा ८ हेक्टर क्षेत्रफल बढेर १ सय ५८ हेक्टर क्षेत्रफलमा अलैँची लगाइएको थियो । अलैँचीको बजार मुल्य घटबढ भइरहने अवस्था र रोगकिराका कारण उत्पादन घट्ने वा खेतीनै मासिने डरले किसानमा अलेँची खेतितर्फ विकर्षण बढीरहेको अवस्थाका बाबजुद उत्पादन बढ्दै जानु सकारात्मक भएको ज्ञान केन्द्र प्रमुख दुर्गा बहादुर तिरुवाले बताउनुभयो ।

जिल्लामा आर्थिक वर्ष २०८०/८१ मा सबैभन्दा धरै अलैँची खेति लिखुपिके गाउँपालिकामा भएको थियो । उक्त पालिकामा यस वर्ष ५३ हेक्टर क्षेत्रफलमा अलँैची लगाइएको थियो । यस्तै दोश्रो धेरै अलैँची खेती महाकुलुङमा गरिएको थियो । महाकुलुङमा ४१ हेक्टर क्षेत्रफलमा अलैँची खेति लगाइएको जनाइएको छ ।

यस्तै माप्य दुधकोशी गाउँपालिकामा १० हेक्टर, नेचासल्यान गाउँपालिकामा ७ हेक्टर, सोताङमा ३७ हेक्टर, सोलुदुधकुण्डमा २ हेक्टर, थुलुङमा ६ हेक्टर र खुम्बु पासाङ ल्हमु गाउँपालिकाको २ हेक्टर क्षेत्रफलमा अलैँची खेति गरिएको केन्द्रका प्रमुख तिरुवाले बताउनुभयो । जिल्लामा अलैँचीको प्रतिहेक्टर ० दशमलव ८५ मेट्रिक टन उत्पादकत्व रहेको केन्द्रले जनाएको छ । चालू आ/व किसानले अलैँची प्रति केजी २ हजार ५ सय प्रति केजिले विक्री गरिरहेका छन भने प्रति मन अर्थात ४० केजिको १ लाखमा विक्री गरिरहेको लिखुपिकेका किसान गोविन्द कार्कीले बताउनुभयो ।