मंसिर २२, सोलुखुम्बु । सोलुखुम्बुको थुलुङ दुधकोशी गाउँपालिका–२, काँगेलस्थित सिर्जनशील युवा समाजले १०० घरधुरीलाई किचन सामग्री वितरण गरेको छ । सोमबार एक विशेष समारोहका बिच उक्त घरधुरीका नागरिकहरुलाई किचन सामग्री वितरण गरेको हो ।
समाजको प्रत्यक्ष प्रभावित क्षेत्रमा रहेका परिवारहरूको दैनिक जीवन सहज बनाउने उद्देश्यले एक–एक सेट विद्युतीय इन्डक्सन चुल्हो, प्रेसर कुकर, कराई तथा फाइपेन सहितको किचन सामग्री हस्तान्तरण गरिएको हो । रोटरी क्लब अफ काठमाडौँ सर्कलसँगको साझेदारी तथा प्रायोजनमा संचालित कार्यक्रममार्फत करिब १५ लाख रुपैयाँ बराबरको किचन सेट वितरण गरिएको समाजले जनाएको छ ।
कार्यक्रममा सहयोग र समन्वय गर्न महत्वपूर्ण भूमिका निभाएको भन्दै समाजले काठमाडौं सम्पर्क समितिका सल्लाहकार तथा समाजसेवी नेत्र बहादुर बस्नेत, इसाबेल आर्मर तथा रोटरी अफ रिचमन्डप्रति विशेष आभार व्यक्त गरेको छ । समाजका पदाधिकारीहरूका अनुसार वितरण गरिएको सामग्रीले स्थानीयवासीको ऊर्जा उपयोग, सरसफाइ र सुरक्षित खाना पकाउने अभ्यासलाई अघि बढाउन मद्दत गर्नेछ ।
Discussion about this post