मंसिर २२, सोलुखुम्बु । सोलुखुम्बुको थुलुङ दुधकोशी गाउँपालिकामा स्थानीय सरकार र नेपाल प्रज्ञा प्रतिष्ठानबीच आयोजित विमर्श कार्यक्रम सम्पन्न भएको छ । थुलुङ दुधकोशी प्रज्ञा प्रतिष्ठान र बृहत ओगानेम दरबार क्षेत्र विकास समिति, मुक्लीको समन्वय, नेपाल प्रज्ञा प्रतिष्ठान कमलादी, काठमाडौंको सहकार्य तथा थुलुङ दुधकोशी गाउँपालिकाको आयोजनामा सोमबार कार्यक्रम सम्पन्न गरिएको हो ।
कार्यक्रममा नेपाल प्रज्ञा प्रतिष्ठानका कुलपति भूपाल राईको विशेष उपस्थिती रहेको गाउँपालिकाले जनाएको छ । विमर्शलाई सम्बोधन गर्दै गाउँपालिका अध्यक्ष असिम राईले भौतिक पूर्वाधारलाई मात्र विकासको आधार मान्ने प्रवृत्तिको अन्त्य गर्नुपर्ने आवश्यकता औंल्याउनुभयो। उहाँका अनुसार सामाजिक, मानवीय र आर्थिक क्षेत्रमा समेत गाउँपालिकाले सन्तुलित विकासका लागि निरन्तर पहल गर्दै आएको छ ।
स्वास्थ्य क्षेत्रमा गाउँपालिकाले उल्लेखनीय प्रगति हासिल गर्दै आएको बताउँदै अध्यक्ष राईले स्थानीय तहले जनताको जीवनस्तर उकास्न बहुआयामिक विकासका कार्यक्रमहरू अघि बढाइरहेको जानकारी दिनुभयो । कार्यक्रममा भोजपुरको रामप्रसाद राईगाउँपालिका अध्यक्ष थाम बहादुर राई, उपाध्यक्ष वीरेन्द्र राई लगायत स्थानीय बुद्धिजीवी, जनप्रतिनिधि तथा सरोकारवालाको सहभागिता रहेको थियो ।
Discussion about this post