हिमगंगा माविको ७३औँ वार्षिकोत्सव सम्पन्न, प्राविधिक तथा स्थानीय आवश्यकतामुखी कार्यक्रम प्राथमिकतामा

मंसिर २३, सोलुखुम्बु । सोलुखुम्बुको लिखुपिके गाउँपालिका–स्थित हिमगंगा माध्यमिक विद्यालयको ७३औँ वार्षिकोत्सव विभिन्न शैक्षिक प्रतियोगिता तथा सम्मान कार्यक्रमसहित भव्य रूपमा सम्पन्न भएको छ । कोशी प्रदेशसभा सदस्य डोल्मा तामाङ प्रमुख अतिथिमा उक्त कार्यक्रम भव्य रुपमा सम्पन्न भएको हो ।

कार्यक्रममा विद्यालयले आयोजना गरेको हाजिरी–जवाफ प्रतियोगिता (कक्षा १–५) मा प्रथम तथा अंग्रेजी हिज्जे प्रतियोगिता (कक्षा १–३) मा द्वितीय स्थान हासिल गर्ने विद्यार्थीहरूलाई प्रमाणपत्र तथा पुरस्कार प्रदान गरिएको विद्यालयले जनाएको छ। कार्यक्रममा बोल्दै लिखुपिके गाउँपालिका अध्यक्ष मिना कार्की बस्नेतले गुणस्तरीय शिक्षालाई पालिकाले उच्च प्राथमिकतामा राखेको बताउनुभयो।

उहाँले शिक्षा क्षेत्रमा आवश्यक सबै सहयोग पु¥याउन गाउँपालिका प्रतिवद्ध रहेको जानकारी दिनुभयो। विद्यालय प्रशासनले गुरुहरूको समर्पण र विद्यार्थीहरूको लगनशीलताप्रति आभार व्यक्त गर्दै आगामी दिनमा शैक्षिक गुणस्तर निरन्तर उकास्ने प्रतिज्ञा जनाएको छ। विद्यालयका अनुसार शैक्षिक सुधार, प्राविधिक शिक्षा विस्तार तथा स्थानीय आवश्यकतामुखी कार्यक्रमलाई आगामी वर्षदेखि प्राथमिकतामा राखिनेछ ।

वार्षिकोत्सवले विद्यालय, अभिभावक तथा स्थानीय तहबीचको समन्वय अझ मजबुत बन्न मद्दत पुगेको विद्यालय व्यवस्थापनले जनाएको छ ।

उक्त वार्षिकोत्सवमा जिल्ला समन्वय समिति प्रमुख कृष्ण प्रसाद निरौला, सोलुदुधकुण्ड नगरपालिका मेयर नाम्गेल जाङ्बु शेर्पा, लिखुपिके गाउँपालिका अध्यक्ष मिना कार्की बस्नेत, सोताङ गाउँपालिका अध्यक्ष खिलराज बस्नेत, नेचासल्यान गाउँपालिका अध्यक्ष धनजन राई, समाजसेवी तथा नेता प्रकाश सिंह कार्की, विनोद बाबु बस्नेत, जिवन गुरुङ, अशोक झासहितको उपस्थिती रहेको थियो ।