मंसिर १७, सोलुखुम्बु । उदयपुरको त्रियुगा नगरपालिका वडा नम्बर १२ को वडा अध्यक्ष पदका लागि आइतबार सम्पन्न भएको उपनिर्वाचनमा नेकपा माओवादी केन्द्रका उम्मेदवार विजयी हुनुभएको छ । उदयपुरका मुख्य निर्वाचन अधिकृत दीपककुमार खरेलका अनुसार नेकपा माओवादी केन्द्रका उम्मेदवार नवीनकुमार राईले नौ सय २३ मत प्राप्त गरी वडा अध्यक्ष पदमा विजयी हुनुभएको हो ।
उहाँका निकटतम प्रतिद्वन्द्व नेकपा एमालेका लक्षिनारायण चौधरीले छ सय आठ मत प्राप्त गर्नुभएको छ । उता वेलका नगरपालिका वडा नं ९ को वडा अध्यक्ष पदको मत गणना भने विवादका कारण राती १२ बजेदेखि स्थगित भएको छ ।
चार सय मत गणना गर्दा १६८ मत बदर भयपछि उम्मेदवारका प्रतिनिधिहरूबिच विवाद हुदाँमा गणना स्थगित भएको हो । विवाद समाधानका लागि सोमवार बिहान ७ बजे सर्वदलीय बैठक बोलाइएको उदयपुरका प्रमुख जिल्ला अधिकारी हरिप्रसाद घिमिरेले बताउनुभयो ।
Discussion about this post