अाफ्नाे जन्मदिनमा दानुरीले दिए विद्यार्थीलाई खेलकुदका सामाग्री 

मंसिर १७, सोलुखुम्बु ।  ओखलढुङ्गाको खिजिदेम्बा गाउँपालिकाका दानुरी शेर्पाले आफ्नो जन्मदिनका अवसरमा विद्यालयमा खेलकुदका सामाग्री उपलब्ध गर्नुभएको छ ।  गाउँपालिकाको वडा नम्बर ६ का शेर्पाले स्थानीय थामथोले इङ्ग्लिस बोर्डिङ स्कुल खिजिफलाटेलाई विभिन्न खेलकुद सामाग्री उपलब्ध गराउनुभएको विद्यालयले जनाएको छ ।  

हाल वैदेशिक रोजगारको सिलसिलामा दुबईमा रहनुभएका शेर्पाले नेपाली ९ हजार ५ सय रुपैयाँ बराबरको विभिन्नखाले शैक्षिक सामाग्री वितरण गर्नुभएको विद्यालयले जनाएको छ ।  उक्त रकमबाट विद्यालयलाई दुईवटा मिकासा भलिबल, १ वटा फुटबल, ५ सेट लुडो, ८ वटा स्किपिङ सेट उपलब्ध गराइएको वडा अध्यक्ष राम सुनुवारले बताउनुभयो ।  खेलकुदका सामाग्री प्राप्त भएपछि विद्यार्थीहरूमा खुसी छाएको छ भने उनीहरूले शेर्पालाई जन्मदिनको शुभकामना समेत व्यक्त गरेका छन् ।