दिक्तेलमा आयोजित शिविरबाट १ सय ४० बढीको आखाँको शल्यक्रिया 

जेठ १, सोलुखुम्बु । खोटाङमा  आँखा शल्यक्रिया शिविरबाट १ सय ४३ जना बिरामीले आँखाको शल्यक्रिया गराएका छन ।  गत बैशाख २९ गते देखी ३१ गते सम्म आखा उपचार केन्द्र दिक्तेलमा सञ्चालन भएको आँखा शल्यक्रिया शिविरबाट १४३ जनाले आखाको शल्यक्रिया गराएका हुन ।

नेपाल नेत्र ज्योति संघ जिल्ला शाखा खोटाङ र दिक्तेल रूपाकोट मझुवागढी नगरपालिकाको आयोजनामा सञ्चालित आँखा शिविरबाट १ सय ४ जनाले आँखामा भएको मोतिविन्दुको शल्यक्रिया गराएका छन भने ४९ जनाले सामान्य शल्यक्रिया गराएको नेत्र ज्योति संघ खोटाङका सभापति इन्द्र कसजुले बताउनुभयो । शिविरमा ९ सय ६० जनाले आँखा जाँच गराएका थिए भने ६ सय ६५ जना बिरामीले औषधी प्राप्त गरेका छन ।

यस्तै शिविरमा ३ सय ७३ जना ज्येष्ठ नागरिकलाई रिडिङ चस्मा नजिकको पढ्न मिल्ने चस्मा वितरण गरिएको छ । आँखा शल्यक्रिया शिविरमा सगरमाथा चौधरी आँखा अस्पतालका शल्य चिकित्सक दिवाकर चौधरी सहित १२ जनाको टोलीले आँखा जाँच तथा शल्यक्रिया गरेको सभापति कसजुले बताउनुभयो । शिविरमा जिल्ला भरिका बिरामीहरूले आखा जाँच तथा उपचार गराएका छन ।  

३१ गते सम्पन्न शिविरको समापनमा दिक्तेल रूपाकोट मझुवागढी नगरपालिकाका मेयर तीर्थराज भट्टराई, दिक्तेलका वडा अध्यक्ष नवराज राई, शुभम् फाउण्डेसनका निर्देशक सूर्य राई लगायतको उपस्थिति रहेको जनाइएको छ ।

यो समाचार पढेर तपाँइलाई कस्तो लाग्यो ?