समय अगावै जन्मिएको शिशुलाई उपचारका लागी हेलिकप्टर मार्फत काठमाण्डौ पठाइयो

मंसिर २५, सोलुखुम्बु ।  समय नपुग्दै सुत्केरी भई छोरीलाई जन्म दिएकी एक महिलालाई काठमाण्डौ लगिएको छ । जिल्ला अस्पताल फाप्लुमा छोरीलाई जन्म दिएकी सुस्मिता कार्कीको बच्चको तौल कम भएपछि उनलाई हेलिकप्टर मार्फत काठमाण्डौ पठाइएको हो ।  

मङ्गलबार बिहान ९ बजे सुत्केरी व्यथाले च्यापेर कार्कीलाई अस्पताल ल्याइएकोमा उनले छोरीलाई जन्मदिएकी थिइन् । तर नवजात शिशु महिना नपुगी जन्माएकोले उनको तौल कम भएपछि थप उपचारका लागी राष्ट्रपति महिला उद्धार कार्यक्रम मार्फत नेपाली सेनाको हेलिकप्टर मार्फत उद्धार गरि काठमाण्डौ पठाइएको हो ।  जिल्ला प्रशासन कार्यालय सोलुखुम्बुका प्रमुख सीडीओ अनोज कुमार घिमिरेको पहलमा सुत्केरी महिला र नवजात शिशुको थप उपचारका लागी कान्ति बाल अस्पताल पठाइएको हो ।  

उनको थप उपचारका लागी काठमाण्डौ लैजान सहजिकरण सँगै अस्पतालबाट विमानस्थल सम्म ल्याउनका लागी जिल्ला प्रहरी कार्यालय सोेलुखुम्बुले सहयोग गरेको थियो ।  प्रहरीको सहयोगमा उनलाई विमानस्थल सम्म ल्याइएको जिल्ला प्रहरी कार्यालय सोलुखुम्बुका प्रमुख डीएसपी द्वारीका प्रसाद घिमिरेले बताउनुभयो ।