खोटाङ प्रहरीले गर्याे विभिन्न स्थानमा “आत्महत्या रोकथाम तथा नियन्त्रण” सम्बन्धी कार्यक्रम

पौष २, सोलुखुम्बु । जिल्ला प्रहरी कार्यालय खोटाङले आत्महत्या रोकथाम तथा न्यूनीकरण सम्बन्धी प्रहरीले सचेतना कार्यक्रम गरेको छ । मंगलबार प्रहरी कार्यालयले विभिन्न स्थानमा “आत्महत्या रोकथाम तथा नियन्त्रण” सम्बन्धी जनचेतनामुलक कार्यक्रमहरु संचालन गरेको हो । ईलाका प्रहरी कार्यालय मातिमविर्ता, बाक्सिला, प्रहरी चौकी खार्पा, नुनथला, रतन्छा, चिउरीडाँडा, बुईपा, जाल्पा, खार्ताम्छा, हरम्टार, अस्थायी प्रहरी चौकी याम्खा, तालखर्क, बि.सु.गार्ड लामिडाँडा, अस्थायी प्रहरी पोष्ट राजापानी, खानिडाँडा, निर्मलीडाँडा खोटाङले आ–आफ्नो जिम्मेवार एरिया ईलाका भित्र पर्ने विभिन्न विद्यालय, समूदायमा गई विद्यार्थीहरु तथा स्थानियवासीहरुको उपस्थितीमा “आत्महत्या रोकथाम तथा नियन्त्रण” सम्बन्धी जनचेतनामुलक कार्यक्रमहरु संचालन गरिएको प्रहरीले जनाएको छ ।