खोटाङमा यस वर्ष धान उत्पादनमा वृद्वि

पौष २, सोलुखुम्बु । खोटाङमा गत वर्षको तुलनामा यस वर्ष धान उत्पादनमा वृद्धि भएको छ । गत वर्ष २१ हजार १ सय ८८ मेट्रिक टन धान उत्पादन भएकोमा यस बर्ष २३ हजार ७ सय २३ मेट्रिक टन धान उत्पादन भएको कृषि ज्ञान केन्द्र खोटाङका नि.प्रमुख हरिनारायण राईले जानकारी दिनुभयो । उ

हाँका अनुसार जिल्लामा ९ हजार ४ सय १७ हेक्टर क्षेत्रफलमा धान लगाइदै आएको छ । गत असोज १० गतेको बाढी, पहिरो र डुबानले हलेसी तुवाचुङ नगरपालिका स्थित राजापानीको रेग्मिटार, वराहापोखरीको साउनेचौर, दिप्रुङचुर्ईचुम्मा गाउँपालिकाको सापातेल लागायतका स्थानहरुमा ४० हेक्टरमा क्षति पुर्याएको ज्ञान केन्द्रले जनाएको छ ।

यध्यपि समग्रमा गत वर्षभन्दा बढी धान किसानले घरमा भित्र्याएको तथ्याङकमा उल्लेख गरिएको छ । यदि वाढी पहिरो र वर्षादबाट क्षति नपुगेको भए धानको उत्पादनमा अझ वढोत्तरी हुने कृषि ज्ञान केन्द्रले आकलन गरेको छ ।