राईको अध्यक्षतामा २९ सदस्यीय थुलुङ दुधकोशी–काठमाडौ सम्पर्क समिति गठन

पौष २, सोलुखुम्बु । राजधानीमा शिव कुमार राईको अध्यक्षतामा २९ सदस्यीय थुलुङ दुधकोशी–काठमाडौ सम्पर्क समिति गठन गरिएको छ । नेकपा माओवादी केन्द्र सोलुखुम्बुका सह–इन्चार्ज एवंम थुलुङ दुधकोशी गाउँपालिका अध्यक्ष असिम राईको प्रमुख आतिथ्यमा राजधानीमा दोस्रो सम्मेलनले शिव कुमार राई (माईला) को अध्यक्षतामा २९ सदस्यीय थुलुङ दुधकोशी–काठमाडौ सम्पर्क समिति गठन गरेको हो ।

समितिको उपाध्यक्षद्वयमा शब्द कुमारी राई, दिलिप संकल्प राई, सचिबमा सूर्यकुमार राई, सहसचिवमा महेश राई र कोषाध्यक्षमा सन्जु कुमारी राई रहेको माओवादी केन्द्र थुलुङ दुधकोशी गाउँपालिका समितिका अध्यक्ष रामसंघर्ष किरांतीले जानकारी दिनुभयो । उहाँका अनुसार सोमबार गठित नेकपा माओवादी केन्द्र खुम्बु पासाङ ल्हामू गाउँपालिका सोलु काठमाडौँ सम्पर्क समन्वय समितिको अध्यक्षमा सञ्जय कुमार तामाङ छन् ।

२१ सदस्य कार्यसमितिको उपाध्यक्षमा फुर्वा याङजी शेर्पा , पेम्बा गेल्जेन शेर्पा र धन कुमार तामाङ, सचिवमा गोविन्द्र भट्राई, सहसचिवमा दिपेश मगर र कोषध्यक्षमा आङ निमि शेर्पा चयन हुनुभएको नेकपा माओवादी केन्द्र सोलुखुम्बुले जनाएको छ । नेकपा माओवादी केन्द्र सोलुखुम्बुले पालिकास्तरीय काठमाडौं सम्पर्क समन्वय समिति गठन सुरु गरेको छ ।