असन्तुष्टिका पाेखेरै सकियो सल्लेरी च्याल्साको ३२ अाैँ साधारणसभा 

पौष ४, सोलुखुम्बु ।  सल्लेरी च्याल्सा विद्युत कम्पनी लिमिटेडको ३२ औँ साधारण सभा सम्पन्न भएको छ । विहीबार उद्योग वाणिज्य सङ्घ सोलुखुम्बुको सभाहलमा कम्पनीको साधारणसभा सम्पन्न गरेको हो ।  सम्पन्न साधारणसभामा उपस्थित अतिथि तथा सरोकारवालाहरूले सल्लेरी च्याल्सा विद्युत कम्पनी भित्रका समस्याका बारेमा खुलेर बोलेका थिए ।  सम्पन्न साधारण साभामा च्याल्सा विद्युत प्रयोगकर्ताहरुले विद्युत महसुल अत्याधिक भएको बताएका छन्  ।

विदेशी सहयोगमा निर्माण भएको कम्पनीले सल्लेरी लगायतका क्षेत्रमा विद्युत आपुर्ति गरिरहेको छ ।  तर कम्पनीले वितरण गरेको विद्युत प्रशारण लाईन प्रति उद्योगी व्यापारी लगायतको असन्तुष्टि रहि आएको छ ।  आज सम्पन्न साधारणसभामा कम्पनीका सेयरधनी लगायत सरोकारवालाले च्याल्साको विकल्पमा विद्युत प्रधिकरण रहेको भन्दै सच्चीन चेतावनी समेत दिन भ्याएका छन् ।  कम्पनीको साधारणसभामा उपस्थित अतिथि प्रदेशसभा सदस्य बुद्धि कुमार राजभण्डारीले कम्पनीको कामकारवाही प्रति असन्तुष्टि व्यक्त गर्नुभयो ।

 उहाँले विभिन्न समयमा कम्पनी भित्र भएका कामहरूको विषयमा, चरम विद्युत महसुलका विषयमा असन्तुष्टि राख्नुभएको हो ।  यता सोलुदुधुकुण्ड नगरपालिकाका मेयर नाम्गेल जाङ्बु शेर्पाले जिल्लामा विद्युत सेवाको क्षेत्रमा कम्पनीले योगदान गरेको बताउँदै कम्पनीलाई धन्यवाद दिनुभयो । उहाँले विद्युत महशुल केन्द्रिय विद्युत लाइन सरह बनाउनुपर्नेमा जोड दिनुभएको छ । यस्तै कार्यक्रममा बोल्दै प्रमुख जिल्ला अधिकारी अनोज कुमार घिमिरेले विद्युत महसुल महँगो भएको भन्दै आउका गुनासोहरुलाई कानुन बामाेजिम सम्बोधन गर्दै अगाडी बढ्ने उल्लेख गर्नुभयो ।