महाकुलुङको गुदेल स्थित टेलीकम टावर २ हप्ता देखी बन्द, सञ्चार सुविधाबाट नागरिक बञ्चित 

पौष १०, सोलुखुम्बु ।  हिमाली जिल्ला सोलुखुम्बुकाे महाकुलुङ गाउँपालिकाका एक गाउँ गुदेलमा टेलिकम टावर अवरुद्ध हुँदा नागरिकलाई सास्ती भएको छ । नेपाल टेलिकमको गुदेल स्थित टावरमा खरावी आउँदा स्थानीयलाई टेलिफोन गर्न समेत समस्या भएको हो ।    लामो समय देखी अवरुद्ध टेलिकमको सेवालाई सुचारु गर्न टेलिकमसँग पटक पटक संवाद भएपश्चात हाल नेपाल टेलीकम ओखलढुंगाबाट प्राविधीक टोली खटाइएको टेलिकमलाई उदृत गर्दै संवाददाता झलक राइले जानकारी दिनुभयो ।  उहाँका अनुसार मङ्गलबार प्राविधिक टोली त्यहाँ पुगिसकेको र छिटै सुचारु गर्ने गरि काम गर्ने जानकारी आएको हो । गत २ साताबाट गुदेल स्थित टेलिकम टावरमा समस्या आउँदा नागरिक टेलिफोन, इन्टरनेट लगायतका सञ्चार सेवाबाट बञ्चित हुनुपरेको थियो ।