सोलुदुधकुण्डको प्रशासनिक भवन सहरी विकास मन्त्री सिंहले शिलान्यास गर्ने (अडियाे सहित)

पौष १२, सोलुखुम्बु । सोलुखुम्बुको सोलुदुकुण्ड नगरपालिकाको प्रशासनिक भवनको शिलान्यास उपप्रधान तथा सहरी विकास मन्त्री प्रकाशमान सिंहले गर्ने कार्यक्रम तय भएको छ ।  नेपाली काङ्ग्रेसका नेता तथा नेपाल सरकारका मन्त्रीबाट नगरपालिकाको बन्न लागेको भवनको शिलान्यास हुन लागेको हो ।  आगामी पौष १४ मा मन्त्री सिंहबाट नगरपालिकाको प्रशासनिक भवनको शिलान्यास हुन लागेको नगरपालिकाका प्रमुख प्रशासकीय अधिकृत टुक्ती शेर्पाले बताउनुभयो ।
नगरपालिकाको प्रशासनिक भवन निर्माणका लागी अहिले जिल्ला समन्वय समितिको पुरानो सभाहल भत्काएर बेस बनाउने काम भइरहेको छ ।  जिल्लाको एकमात्र नगरपालिकाको प्रशासनिक भवन हालसम्म बन्न सकिरहेको थिएन । तर अव उक्त पालिकाको प्रशासनिक भवन निर्माणका लागी आरएमी पिआर एचबी जेभी निर्माण कम्पनीले जिम्मा पाएको प्रवक्ता फूर्वा ग्याल्जेन शेर्पाले बताउनुभयो ।

उहाँका अनुसार निर्माण कम्पनीले प्रशासनिक भवन निर्माणको काम भ्याट सहित  ७ करोड  १४ लाख ९ हजार ३ सय ६३ मा सक्ने गरी गत कार्तिक ५ गते सम्झौता भई ८२ चैत्र २० गते सम्म सम्पन्न गरिसक्ने सम्झौता भएको छ । प्रशासनिक भवन नहुँदा सेवाप्रवाहमै कठिनाइ भइरहेकाले भवन निर्माण सम्पन्न भएपछि सेवा प्रबाहमा थप सहजता हुने नगरप्रमुख नाम्गेल जाङ्बु शेर्पाले बताउनुभयो ।  

अडियाेमा सुन्नुहाेस –