बडहरे एकता सेवा समाजको दोस्रो बैठक काठमाडौंमा सम्पन्न, के के भए त निर्णय ?

पौष १३, सोलुखुम्बु ।  खोटाङको हलेसी तुवाचुङ  नगरपालिका ४ मा गठित बडहरे एकता सेवा समाज को दोस्रो बैठक काठमाडौंमा सम्पन्न भएको छ । शनिबार काठमाण्डौ स्थित काँडाघारीमा विभिन्न निर्णय गर्दै समाजको बैठक सम्पन्न भएको हो ।  आज सम्पन्न बैठकमा ३ जना ज्येष्ठ नागरिकहरुलाई सम्मान समेत गरिएको जनाइएको छ । समाजले ज्येष्ठ नागरिक ८५ वर्षीय तिलक ब. बस्नेत ,९५ वर्षीय पदम ब. बस्नेत र ८१ वर्षीय विष्णु माया बस्नेत लाई  सम्मान गरिएको जनाइएको छ ।

बैठककै क्रममा समाजले आर्थिक सहयोग सङ्कलन समेत गरेको सदस्य कुल बहादुर बस्नेतले बताउनुभयो ।  उहाँका अनुसार अशक्त, अपाङ्ग, विपन्नहरूलाई सहयोग गर्ने हेतुले आजकै बैठकबाट ३२ हजार २ सय रुपैयाँ आर्थिक सहयोग सङ्कलन गरिएको बताउनुभयो । विभिन्न विपत्ति लगायत समस्यामा परेकाहरूलाई सहयोग गर्ने उद्देश्यले स्थापना भएको संस्थालाई आर्थिक सहयोग जुटाएर उक्त सहयोगलाई बैकमा जम्मा गरि परिचालन गरिने समाजका अध्यक्ष पूर्ण ब. बस्नेतको भनाइ छ ।  यसैबीच बडहरे सेवा समाजको सल्लाहकारमा भद्र बहादुर बस्नेत  र रमेश बस्नेतलाई चयन गरिएको छ ।  ।