सोलुका पत्रकार दाहाललाई ’बारबराफाउण्डेसन खोजी पत्रकारिता पुरस्कार’

बारबरा फाउण्डेसनले नक्कली भुटानी शरणार्थीको विषय उजागर गरी कान्तिपुरमा श्रृखंलाबद्ध समाचार लेखेकोमा सोलुखुम्बुका पत्रकार मातृका दाहाललाई यसवर्षको ’बारबरा फाउण्डेसन खोजी पत्रकारिता पुरस्कार’ (पहिलो)  इन्भेस्टिकेटिभ जर्नलिज्म अवार्ड प्रदान गरेको छ ।

१६ लाख रुपैयाँ राशिको उक्त पुरस्कार र अवार्ड बिहीबार काठमाडौंमा आयोजित समारोहमा कलाकारहरू मदनकृष्ण श्रेष्ठ र हरिवंश आचार्यले हस्तान्तरण गरेका हुन् ।
फाउण्डेसनले खोजी पत्रकारिता गर्ने पत्रकारहरूलाई पुरस्कृत गर्ने पुरस्कार र फेलोसिप स्थापना गरेको हो । उक्त पुरस्कार यसवर्षदेखि दिन थालिएको हो । फाउण्डेसनले प्रत्येक दुई वर्षमा यो पुरस्कार दिने घोषणा गरेको छ । बिहीबार आयोजित कार्यक्रममा ४ जना पत्रकारलाई फेलोसिप प्रदान गरिएको फाउण्डेसनले जनाएको छ ।

कान्तिपुरकर्मी मातृका दाहालले यसअघि बालुवाटारस्थित ललिता निवासको सरकारी जग्गा हिनामिनाको खुलासा र नेपाल नेपालीलाई नक्कली भुटानी शरणार्थी बनाई अमेरिका लैजान गरिएको अपराधको खुलासा गरे वापत् २०७६ र २०८० मा नेपाल आर्थिक पत्रकार समाज(सेजन) खोजी पत्रकारिता पुरस्कार र नेपाल प्रहरीका लागि हतियार खरिदमा भएको भ्रष्टाचार÷अनियमिततामो खुलासा गरेबापत २०७९ मा नेपाली पत्रकारहरुको अन्तर्राष्ट्रिय सञ्जाल(इञ्जा)द्वारा स्थापित इञ्जा खोजी पत्रकारिता पुरस्कार पनि प्राप्त गरेका थिए । सोलुखुम्बुको थुलुङ दुधकोशी गाउँपालिका ३ पंचनमा जन्मिएका दाहाल लामो समय देखि राजधानीमा रही नेपालको खोज पत्रकारितामा क्रियाशिल छन् । पछिल्लो समय कान्तिपुर राष्ट्रिय दैनिकमा रहेर भ्रष्टाचार र वेथितिको विरुद्धमा समाचार लेख्दै आएका छन् ।