सत्तारुढ दलहरू सहकारी ठगलाई बचाउन लागिपरे : महासमिति सदस्य शाही 

साेलुखुम्बु, जेठ ४ । नेपाली कांग्रेसका महासमिति सदस्य भुपेन्द्र जंग शाहीले सत्तारुढ दलहरूले सहकारी ठगहरूलाई बचाउन खोजेको बताउनुभएको छ ।  नेपाली कांग्रेस जिल्ला कार्य समिति सोलुखुम्बुले आयोजना गरेको भेटघाट कार्यक्रममा तरुणदलका पुर्वमहासचिव तथा नेविसंघका पुर्वउपाध्यक्ष समेत रहनुभएका शाहीले सत्तारुढ दल नेकपा एमालेले सहकारी ठगीमा मुछिएका राष्ट्रिय स्वतन्त्र पार्टीमा सभापति तथा गृहमन्त्री रवि लामिछानेलाई बचाउन खोजेको भन्दै यस्तो बताउनुभएको हो । उहाँले नेपाली कांग्रेसले भ्रष्टाचारी हरूलाई बचाउन नहुने आवाज उठाउँदा संसद्मा एमालेलेले नेपाली काङ्ग्रेस माथि प्रहार गरेको बताउनुभएको छ ।

उहाँले नेपाली काङ्ग्रेसमाथि हर तवरबाट प्रहार भइरहेकाले कांग्रेस एक ढिक्का हुन जरुरी रहेको पनि बताउनुभएको छ । यस्तै सदस्य शाहीले  गरीब जनताको पसिना अपचलन गर्ने गृहमन्त्रीमाथि छानविन हुन पर्ने बताउनुभएको छ । नेपाली कांग्रेस जिल्ला कार्य समितिको कार्यालय सोलुखुम्बुको सभाहलमा भएको कार्यक्रममा जिल्ला सभापति नाम्गेल जाङबु शेर्पाले चुनावमा मात्रै गाउँ आउने नेताहरूको प्रवृत्तिले कांग्रेसको संगठन मजबुत नहुने बताउनुभएको छ । उहाँले जिल्लामा भएका तमाम समस्याहरू आफूले केन्द्र सम्म पुर्‍याएको भएपनि खासै सुनुवाइ नभएको पनि बताउनुभयो । यस्तै नेपाली कांग्रेस साृलुखुम्बुका नेता तथा जिल्ला समन्वय समिति सोलुखुम्बुका प्रमुख कृष्ण प्रसाद निरौलाले जिल्लामा कांग्रेस एक ढिक्का भएर अगाढी बढ्नुपर्ने बताउनुभएको छ ।

शेर्पाको सभापतित्वमा सम्पन्न कार्यक्रमका केन्द्रिय सदस्य शाही संगै नेताहरू नेविसंघ केन्द्रिय सदस्यहरू विनोद शाही ठकुरी, अनुप घिमिरे, हिक्मत खड्का र रामेछाप मन्थली नगरपालिकाका वडा अध्यक्ष रामहरी पौडेल सहित सोलुखुम्बुबाट नेपाल तरुण दलका केन्द्रिय सदस्य नवीन थापा, नेपाल विद्यार्थी संघका नेता तथा प्रतिनिधि, नेपाल महिला संघका पदाधिकारी, जिल्ला समन्वय समिति सोलुखुम्बुका प्रमुख कृष्ण प्रसाद निरौला लगायत नेता तथा कार्यकर्ताहरूको उपस्थिति थियो ।