नेचा कर्मचारी संघको नयाँ कार्यसमिति अध्यक्षमा चेत नाथ कटेल चयन

पौष १५, सोलुखुम्बु । नेचासल्यान गाउँपालिका कर्मचारी संघको नयाँ कार्यसमिति अध्यक्षमा चेत नाथ कटेल चयन हुनुभएको छ । सोमबार गाउँपालिकाको दोस्रो अधिवेशनबाट अध्यक्षमा कटेल चयन हुनुभएको हो । यस्तै उपाध्यक्षमा सोनी राई, सचिवमा भिम भट्टराई, सह सचिवमा गोमा कटेल, कोषाध्यक्षमा पार्वती राई चयन हुनुभएको नयाँ कार्यसमितिका सचिव भिम भट्टराईले जानकारी दिनुभयो ।

सदस्यहरुमा राजन राई, भरत कटेल, रमेश कटेल, किपेम्बा शेर्पा, खुसल वि.क, राधिका बास्तोला, मनोज गौतम, विनोद कोइराला, सन्तोष बास्तोला, रामराजा कोइराला, शर्मिला शर्मा, यमला सुनुवार, शर्मिला बस्नेत (निरौला खत्री), भोज राज देवकोटा, अम्बिका कटेल र चुलेन्द्र भट्राई रहनुभएको छ ।

पहिलो अधिवेशनबाट निर्वाचित प्रतिनिधीहरु कामको शिलसिलामा पालिका भन्दा बाहिर रहेकाले नयाँ कार्यसमिति गठन गरिएको बताइएको छ । कर्मचारी संघको प्रतिनिधि नहुदाँ काम कारबाहिमा विगत लामो समयदेखि बाधा पग्दै आएकाले नयाँ समिति गठन गरिएको जनाइएको छ ।