जुविङमा विलिडङ इलेक्ट्रीसियन सम्बन्धी तालिम सकियो, कोटा भन्दा बढीको सहभागिता

पौष १६, सोलुखुम्बु । सोलुखुम्बुको माप्य दुधकोशी गाउँपालिका वडा नम्बर १ जुविङमा वलिडङ इलेक्ट्रीसियन सम्बन्धी तालिम सम्पन्न भएको छ । वडा अध्यक्ष सज्जन राईको अध्यक्षता तथा घरेलु तथा साना उद्योग कार्यालय सोलुखुम्बुका प्रमुख नारायण प्रसाद खतिवडाको प्रमुख आतिथ्यतामा १५ दिने तालिम सम्पन्न भएको हो ।

मंसिर २१ गतेकाबाट सुरु भएका तालिममा वडा कार्यालयको समन्वय र घरेलु तथा साना उद्योग कार्यालय सोलुखुम्बुले आयोजना गरेको थियो । तालिममा १० जनाको मात्र कोटा छुटाइएकोमा १५ जनाको सहभागीता रहेको कार्यक्रमका संयोजक टेक बहादुर बस्नेतको भनाई छ ।

युवाहरुलाई जीविकोपार्जन संग जोड्ने उदेश्यले तालिम संचालन गरिएको घरेलु तथा साना उद्योग कार्यालय सोलुखुम्बुका प्रमुख नारायण प्रसाद खतिवडाले बताउनुभयो । बेरोजगार समस्या समाधानका लागि यो कार्यक्रम अति नै आवश्यक देखिएको भन्दै आगामी दिनहरुमा थप कोटाको माग गरिने उल्लेख गर्नुभयो । उक्त कार्यक्रमको सहजिकरण ईन्द्र कुमार राजभण्डारीले गर्नुभएको थियो ।