पर्यटन व्यवसायी शेर्पाद्धारा जनता आविलाई शैक्षिक सामाग्री वितरण

पौष १७, सोलुखुम्बु । ओखलढुगांको मोलुङ गाउँपालिका वडा नं.–७ सुर्केका पर्यटन व्यवसायी ओङढा शेर्पाले विद्यार्थीहरुलाई शैक्षिक सामाग्री वितरण गर्नुभएको छ । शेर्पाले बुधबार खिजीदेम्बा गाउँपालिका वडा नं.–९ मा रहेको जनता आविका विद्यार्थीलाई शैक्षिक सामाग्री वितरण गर्नुभएको हो । विद्यालयमा बाल कक्षा देखि कक्षा ८ सम्म अध्यनरत विद्यार्थीहरुलाई शैक्षिक समग्री वितरण गरिएको प्रधानध्यापक शेरसाङ्गे शेर्पाले जानकारी दिनुभयो ।

पर्यटन व्यवसायी एवंम समाजसेवी शेर्पाले बिपि संस्कृत मावि नेचाका १३० बिद्यार्थीहरुलाई समेत शैक्षिक समाग्री वितरण गरिसक्नु भएको छ । सामाग्री बितरण कार्यक्रम गर्न एसेन्ट एडले संयोजकको भुमिका निर्वाह गरेको उहाँको भनाई छ । समग्री वितरण गर्दै ओङढा शेर्पाले विद्यार्थी भविष्यका कर्णधार भएकाले उनीहरुको शैक्षिक योग्यता बढाउन आफ्नो तर्फबाट सहयोग गरेको बताउनुभयो ।

यस्तै शिक्षा संसारको पहिलो आँखा हो भन्ने नारा सहित मोलुङ्ग ७ जेसे माविमा अध्यनरत कक्षा १ देखि कक्षा १० सम्मका १५५ जना विद्यार्थीहरुलाई शेर्पा कै पहलमा शैक्षिक सामाग्री वितरण गर्नुका साथै खिजिदेम्बा ९ रिपाल हाल कोरियामा कर्यरत सामाजिक कार्यमा सक्रिय व्यक्ति आङ ङावा शेर्पाले सहयोग गर्नुभएको थियो । ‘शिक्षाको विकास नभई देशको विकास हुन सक्दैन भन्ने मुल मन्त्रका साथ आफ्नो तर्फबाट सकेको सहयोग गरेको शेर्पाले भन्नुभयो । ‘सबैले आ–आफ्नो ठाउँबाट सहयोग गरे देशले शिक्षा क्षेत्रमा ठूलो फड्को मार्न सक्ने शेर्पाको बताउनुभयो ।