चिसापानीको स्वास्थ्य इकाई अध्यक्ष शर्माले गरे उद्घाटन, १ सय घरधुरी लाभान्वित

पौष १७, सोलुखुम्बु । ओखलढुगांको चिशंखुगढी गाउँपालिका वडा नम्बर ५ मा सामुदायिक स्वास्थ्य इकाईको गाउँपालिका अध्यक्ष निशान्त शर्माले उदघाटन गर्नुभएको छ । बुधबार अस्थाई खोप केन्द्रको लागि २ बर्ष अगाडि ४ लाखको बजेटमा निर्माण गरिएको भवनमा स्वास्थ्य इकाई स्थापना गरी उदघाटन गरिएको हो ।

उद्घाटन कार्यक्रमलाई सम्बोधन गर्दै अध्यक्ष शर्माले गाउँपालिकाले आधारभूत स्वास्थ्य सेवाबाट वञ्चित रहेका यहाँका स्थानमा सामुदायिक स्वास्थ्य एकाइ स्थापना गरेर सञ्चालनमा ल्याएको बताउनुभयो । दूरदराजका जनतालाई स्वास्थ्य सेवाको पहँुचमा पुर्याउन गाउँपालिका प्रतिबद्ध रहेको उहाँको भनाई छ ।

यस्तै नागरिकलाई सहजरुपमा स्वास्थ्यसँगै आधारभूत सेवा पु¥याउन भूमिका खेलिरहेको गाउँपालिका उपाध्यक्ष सन्तोष बाबु थापाले बताउनुभयो ।

अब सामुदायिक स्वास्थ्य इकाईबाट प्रदान गरिने सम्पूर्ण सेवा कुनै कन्जुसाई नगरी नागरिकहरुले पाउनेमा आफु विश्वस्थ रहेको प्रमुख प्रशासकिय अधिकृत सिताराम राईले बताउनुभयो ।

स्वास्थ्य एकाइ स्थापनाले बिरामी हुँदा सिटामोल तथा जीवनजल पाउन घन्टाँै धाउनुपर्ने अवस्थाको अन्त्य भएको वडा नम्बर ५ का वडा अध्यक्ष नेत्र भट्टराईले बताउनुभयो ।

स्वास्थ्य एकाइ स्थापनाले वर्षौंदेखि स्थानीयले भोग्दै आएको समस्याको अन्त्य हुनेमा आशावादी रहेको उहाँको भनाई छ । स्वास्थ्य इकाईमा एक जना अहेव रहने र आवश्यक देखिएमा थप गर्दै लौजाने गाउँपालिकाले जनाएको छ । उक्त स्वास्थ्य चौकी स्थापना भएसँगै वडा नम्बर ४ र ५ का करिब १०० घर धुरीका नागरिक लाभान्वित हुने भएका छन् ।