रावा बेसी गाउँपालिका : चिसो छल्न ज्येष्ठ नागरिकलाई फाइबर सिरक

पौष २०, सोलुखुम्बु । चिसो बढ्दै गएपछि ज्येष्ठ नागरिकको स्वास्थ्य सुरक्षाका लागि खोटाङको रावाबेसी गाउँपालिकाले फाइबर सिरक वितरण गरेको छ । गाउँपालिकाले पालिका भरिका ज्येष्ठ नागरिकप्रति उत्तरदायी हुँदै सिरक वितरण गरेको हो ।

पालिकाले करिब ३ सय जना जेष्ठ नागरिकलाई सिरक वितरण गरेको प्रमुख प्रशासकिय अधिकृत सरोज रेग्मीले जानकारी दिनुभयो । ज्येष्ठ नागरिकहरु समाजका गहना भएको भन्दै यी नागरिकहरुको स्याहार, संरक्षण र सम्मानमा जुट्न अहिलेको पुस्तालाई सिकाउनुपर्ने अवस्था आएको उहाँको भनाई छ ।

पालिकाको आर्थिक बर्ष २०८१/०८२ मा ३ लाख बजेट विनियोजन गरि ८० बर्ष भन्दा माथिका ज्येष्ठ नागरिकलाई सम्मान स्वरुप सिरक वितरण गरिने भएको गाउँपालिका अध्यक्ष फटिक कुमार श्रेष्ठले बताउनुभयो ।पालिकाले बुधबार लामिडाँडाँ र खार्पाका ज्येष्ठ नागरिकलाई सिरक वितरण गरिएको छ, भने पौष १९ गते डुम्रेधारापानी र दुवेकोल, २० गते हौँचुर र कुभिण्डेमा सिरक वितरण गरिएको बताइएको छ ।