पौष २२, सोलुखुम्बु । रीड नेपालका शिक्षा विकास संयोजक केशवदेव गिरीले समावेशी शिक्षालाई बढवा दिने बताउनुभएको छ । स्थानीय स्रोत शिक्षकका लागि समावेशी शिक्षासम्बन्धी पाँच दिने क्षमता अभिवृद्धि तालिम समापनमा यस्तो बताउनुभएको हो । शिक्षण सिकाइ क्रियाकलापमा समावेशीतालाई मूख्य ध्यान दिने बताउदै विभिन्न अबरोध भएता पनि हामीले चाहेको खण्डमा त्यस्ता अवरोधहरु कम गर्न सकिने हुदा शिक्षकलाई समावेशी शिक्षाको राम्रो ज्ञान हुनुपर्ने उल्लेख गर्नुभयो ।
रीड नेपालको आयोजना, नगरपालिका र गाउँपालिकाको समन्वय तथा अस्ट्रेलियन एड र अष्ट्रेलियन हिमालयन फाउन्डेसनको आर्थिक सहयोगमा आयोजित तालिम सोमबार सम्पन्न गरिएको छ । तालिममा सोलुखुम्बुका सात वटा स्थानीय तहका २१ जना स्थानीय स्रोत शिक्षक र बझाङको खप्तड छान्ना गाउँपालिकाका ११ जना स्थानीय स्रोत शिक्षकहरुको सहभागिता रहेको थियो ।
समापनमा सोलुदुधकुण्ड नगरपालिका उपमेयर गान्धी माया तामाङले समावेसी शिक्षा आजको आवश्यकता भएको बताउदै महत्त्वपूर्ण तालिमको आयोजनाको लागि रीड नेपाललाई धन्यवाद दिनुभयो । तालिम अवधिमा बझांङ र सोलुका शिक्षक बीच शैक्षिक अनुभव साटासाट र गार्मा माध्यमिक विद्यालय अवलोकन भ्रमण तथा अन्तरक्रिया कार्यक्रम पनि गरिएको थियो । तालिमको सहजीकरण रीड नेपालका शिक्षा कार्यक्रम प्रबन्धक पदम महर, शिक्षा विकास संयोजक केशवदेव गिरी लगायत रीड नेपालका प्रशिक्षकहरुले गर्नुभएको थियो ।
Discussion about this post