नेचासल्यानका कृषकहरुलाई जैविक मल तयारी सम्बन्धि १ दिने प्रशिक्षण कार्यक्रम

पौष २३, सोलुखुम्बु । सोलुखुम्बुको नेचासल्यान गाउँपालिका कृषकहरुलाई जैविक मल तयारी सम्बन्धि १ दिने प्रशिक्षण कार्यक्रम प्रदान गरिएको छ । सोमबार नेचासल्यान गाउँपालिका कृषि शाखा नेचाबेतघारीको आयोजनामा कुसुम स्मृती प्रतिष्ठान नेचासल्यान गाउँपालिका वडा नम्बर ३ मा कार्यक्रम सञ्चालन गरिएको आयोजकले जनाएको छ ।

तालिममा कुन्जना एग्रो एण्ड पोल्ट्रिसप्लिमेन्ट प्रा.लि.पोखराले स्थानिय कृषकहरुलाई १ दिने जैबिक तयारी मल सम्बन्धि तालिम दिएको हो । ६८ जनाको सहभागीता रहेको तालिममा अनुसन्धानकर्ता चिन बहादुर नेपाली र दिपक लामिछानेले सहजिकरण गर्नुभएको थियो । उक्त तालिम उद्घाटनमा गाँउपालिका अध्यक्ष धनजन राई, वडा अध्यक्ष सिताराम काफ्ले, कृषि शाखा प्रमुख भिम भट्टराई लगायतको उपस्थिति रहेको आयोजकले जानएको छ ।